ශ්රී ලංකා නාවික හමුදාව, කල්පිටිය උච්චමුනෙයි කලපු ප්රදේශයේ ඊයේ (04) දින සිදුකල විශේෂ සෝදිසි මෙහෙයුමකදී, කේරළ කංසා කිලෝ තිස් අටක (38) පමණ තොගයක් රැගත් ඩිංගි යාත්රා දෙකක් (02) නාවික හමුදා භාරයට ගෙන තිබෙනවා.
‘රටම එකට’ ජාතික මෙහෙයුම සහ ‘මතින් තොර රටක් – නිරෝගී පුරවැසි දිවියක්’, යන ජාතික කරතව්යයන් යටතේ නාවික හමුදාව විසින් දිවයින වටා වෙරළ තීරය සහ දේශීය ජල තීරය නිරන්තර ආවේක්ෂණය කරමින් මත්ද්රව්ය වැටලීමේ මෙහෙයුම් තීව්රකර ඇති අතර, ඒ අනුව, වයඹ නාවික විධානයේ ශ්රී ලංකා නාවික නෞකා විජය ආයතනයේ යාත්රා යොදවා, කල්පිටිය උච්චමුනෙයි කලපු ප්රදේශයේ හා වෙරළ ප්රදේශයේ ඊයේ (04) දින සිදුකළ මෙම විශේෂ සෝදිසි මෙහෙයුමේදී, එම වෙරළ ප්රදේශයේ තිබූ සැකකටයුතු ඩිංගි යාත්රා දෙකක පාර්සල් දහඅටක් තුළ (18) අසුරා සඟවා තිබූ කේරළ කංසා කිලෝ තිස් අටක (38) පමණ තොගයක් සමඟ එම ඩිංගි යාත්රා දෙක මෙලෙස නාවික හමුදා භාරයට ගැනීමට කටයුතු කළා.
තවද, මෙම මෙහෙයුම මඟින් නාවික හමුදා භාරයට ගත් කේරළ කංසා තොගයේ දළ වීථි වටිනාකම රුපියල් මිලියන අටකට (08) අධික වෙතැයි විශ්වාස කෙරෙන අතර, එම කංසා තොගය සහ ඩිංගි යාත්රා ඉදිරි නීතිමය කටයුතු සඳහා පුත්තලම පොලිස් මත්ද්රව්ය නිවාරණ කාර්යාංශය වෙත භාරදී තිබෙනවා.
