ශ්රී ලංකා මේස පන්දු ඉතිහාසයේ මෙතෙක් ලැබූ ඉහළම ජයග්රහණය වාර්තා කරමින් රන් පදක්කමක් සමඟ ලෝක ශ්රේණිගත කිරීම්වල තුන් වන ස්ථානය දිනාගත් වයස අවුරුදු 11න් පහළ මේසපන්දු ක්රීඩක ටාවි සමරවීර අද (16) පස්වරුවේ දිවයිනට පැමිණියා.
ඉතාලියේ පැවති ලෝක කනිෂ්ඨ මේස පන්දු ශ්රේණිගත කිරීමේ තරගාවලියට සහභාගී වූ ටාවි සමරවීර එහිදී රන් පදක්කම දිනා ගැනීමට සමත් වුණා.
ඊට අමතරව ස්ලෝවෙකියාවේ සෙනෙක් නුවර සහ හංගේරියාවේ සොම්බත්ලේ නුවර පැවති මේස පන්දු තරගාවලි දෙකේ දී ලෝකඩ පදක්කමක් දිනාගනිමින් ලෝක ශූර පෝලන්ත ජාතික ක්රීඩකයා පරාජයට පත් කිරීමත් සමඟ ටාවි සමරවීර ලෝක ශ්රේණිගත කිරීම්වල තුන් වන ස්ථානය දක්වා ඉහළට පැමිණියා.
මෙම ජයග්රහණයන් රැගත් ටාවි සමරවීර අද (16) පස්වරු 01.45ට සජා නුවර සිට එයාර් ඒෂියා ගුවන් සේවයේ ජී- 9508 දරණ ගුවන් යානයෙන් කටුනායක ගුවන් තොටුපොළ වෙත පැමිණියා.
2025 වසර තුළ ටාවි සමරවීර මේ වනවිට ජාත්යන්තර රන් පදක්කමක් , රිදී පදක්කම් 05ක් සහ ලෝකඩ පදක්කම් 04 ක් පදක්කම් 10 ක් දිනාගැනීමට සමත්ව සිටිනවා.
ඔහුගේ පියා හසිත සමරවීර මෙන්ම ඔහුගේ මව ද මේස පන්දු පුහුණුකරුවන් වන අතර, ටාවි සමරවීර ශ්රී ලංකාව නියෝජනය කරමින් 2028 ඔලිම්පික් තරගාවලිය සදහා දකුණු ආසියාවේ ළාබාලතම මේස පන්දු ක්රීඩකයා ලෙස සහභාගී වීමට සැළසුම් කර තිබෙනවා.
ටාවි සමරවීර ගල්කිස්ස ශාන්ත තෝමස් විද්යාලයේ 05 ශ්රේණියේ ඉගෙනුම ලබන ශිෂ්යයෙක්.
