1974 වසරේදී කච්චතිව් දූපත ශ්රී ලංකාවට ලබා දුන්නේ ඉන්දිරා ගාන්ධි රජය බව අගමැති නරේන්ද්ර මෝදි චෝදනා කර තිබෙනවා.
රජයට එරෙහිව ඉදිරිපත් වූ විශ්වාසභංග යෝජනා විවාදයට එක්වෙමින් ඉන්දියාව දෙකඩ කිරීම සම්බන්ධයෙන් අගමැතිවරයා කොංග්රස් පක්ෂයට දොස් පැවරූ බවයි ඉන්දීය මාධ්ය වාර්තා කළේ.
නරේන්ද්ර මෝදි පෙන්වා දී ඇත්තේ ඉන්දියාවේ රාමේෂ්වරම් සහ ශ්රී ලංකාව අතර පිහිටා ඇති මෙම දූපත සම්ප්රදායිකව ශ්රී ලාංකික සහ ඉන්දීය ධීවරයින් විසින් භාවිතා කරන ලද බවයි.
1974 වසරේදී එවකට අගමැතිනි වූ ඉන්දිරා ගාන්ධි “ඉන්දු-ශ්රී ලංකා සමුද්ර ගිවිසුම” යටතේ කච්චතිව් දූපත ශ්රී ලංකාවට අයත් භූමියක් ලෙසටයි පිළිගනු ලැබුවේ.
විශ්වාසභංග යෝජනාව පිළිබඳ විවාදයේදී කොංග්රස් පක්ෂයට දැඩි චෝදනාවක් එල්ල කරමින් ඉන්දීය අගමැතිවරයා ප්රකාශ කළේ එම පක්ෂයේ ප්රබලයන් දේශපාලනය සඳහා ඉන්දියාව කොටස් තුනකට බෙදු බවයි.
තමිල්නාඩු රජය කච්චතිව් දුපතේ අයිතිය යළි ඉන්දියාවට ලබා ගන්නා ලෙසට තමාට දිගින් දිගටම ලිඛිතව ඉල්ලා සිටින බව ද අගමැති නරේන්ද්ර මෝදි ප්රකාශ කළා.
කච්චතිව් යනු තමිල්නාඩුව සහ ශ්රී ලංකාව අතර පිහිටි දූපතක් වන අතර කිසියම් අයෙකු එය වෙනත් රටකට ලබා දුන් අතර එය සිදුවූයේ ඉන්දිරා ගාන්ධිගේ නායකත්වය යටතේ බවටයි අගමැතිවරයා චෝදනා කළේ.
එය අපගේ මව් රට වන ඉන්දියාවේ කොටසක් නොවේද? යනුවෙන් විවාදයේදී කොංග්රස් පක්ෂ නායක රාහුල් ගාන්ධිගේ ප්රකාශයට ප්රතිචාරයක් ලෙස මෝදි සඳහන් කළා.
MUN DAN EKE ELLENNA HADANNE. OKE UNUTH NAHE, APITH NAHE, DEPATHTHEMA DHEEWRAYO MALU DAL WELA GANNA OKA USE KARANNE. ME NATHI KUNU MUN ADHALA ARAGENA GEMATA CALL KARANNE. INDIA MONA THARAM VISHALA RATAK DHA, ME PODI ISLAND EKA EKKA BALUWAMA. MEKA API ILLUWE TAMILNADU DEMALU APE SEEMAWATA WITH BALEN MALU ALLANA NISAYI.