කොලොන්න, පිටවෙල ගම ප්රදේශයේ තරුණයෙකු සහ තරුණියක් අනවසර විදුලි රැහැනක පැටලීමෙන් මියගොස් තිබෙනවා.
මෙසේ මියගොස් ඇත්තේ අංක 18, වඩුමඩුව දික්වැල් ප්රදේශයේ පදිංචි මතකධීර කම්කානම්ගේ සුරාජ් ප්රසන්න (26) සහ කොළොන්න පිටවෙල පදිංචි කම්කානම්ගේ සෂිණි සදමාලි (17) නැමැති දෙදෙනායි.
තරුණියගේ නිවසට ආසන්නයේ ඇයගේ ඥාතියෙකුගේ කුරුදු ඉඩමකදී මෙසේ විදුලි සැර වැදී මෙම දෙදෙනා මියගොස් සිටියදී සොයාගෙන තිබෙනවා.
වන සතුන්ගෙන් ආරක්ෂා කරගැනීම සදහා මෙම කරුඳු ඉඩම වටේ කම්බි යොදා එයට අනවසරයෙන් විදුලිය සම්බන්ධ කර තිබුණා.
මෙම දෙදෙනා මියගොස් ඇත්තේ එම විදුලි කම්බිවල පැටලීමෙන් බවයි අනාවරණය වී තිබෙන්නේ.
මෙම තරුණිය ඔන්ලයින් ඔස්සේ මියගිය තරුණයා සමග සම්බන්ධකමක් පවත්වාගෙන ගොස් ඇති අතර මෙම සිදුවීම සිදුවූ දින දික්වැල්ලේ සිට මෙම තරුණයා මෙම තරුනිය සොයාගෙන පැමිණ තිබුණා.
තරුණියගේ නිවස ආසන්නයේ තරුණයා පැමිණි යතුරුපැදිය නතරකර තරුණිය සමග කතාකරමින් සිට ඇති අතර නිවැසියන් මේ බව දැක තිබෙනවා.
එයින් බිය වූ මෙම දෙදෙනා පලා ගොස් ඇති අතර නිවසට යාබව මීටර් 500ක් පමණ දුරින් පිහිටි අක්කර 5ක පමණ කුරුදු වත්තක විදුලි සැර වැදී වැටී මියගොස් සිටියදී අද (17) පෙරවරුවේදී සොයාගෙන තිබුණා.
මේ සම්බන්ධයෙන් ඇඹිලිපිටිය ස්ථානීය අපරාධ ඒකකය සහ කොළොන්න පොලීසිය එක්ව පරික්ෂණ පවත්වනු ලබනවා.
අනවසරයෙන් විදුලිය යෙදූ එම ඉඩමේ හිමිකරු වන කම්කානම්ගේ රූපසේන පොලිස් අත්අඩංගුවට ගැනීම සදහා මේ වන විට පොලිස් පරික්ෂණ පැවැත්වෙනවා.
සිදුවීමේ ඡායාරූප පහතින්,
