මේ වනවිට බලපෑ ඇති එල්නිනෝ තත්ත්වය ඉතා ප්‍රබල එල්නිනෝවක් බවට පත්වීමට ඇති සම්භාවිතාව 98%ක් දක්වා ඉහළ ගොස් ඇති බව කාලගුණ විද්‍යා දෙපාර්තමේන්තුව පවසනවා.
කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අජිත් විජයමාන්න සඳහන් එළඹෙන ඔක්තෝම්බර්, නොවැම්බර් සහ දෙසැම්බර් යන මාස 03 තුළ දී මෙලෙස එල්නිනෝව අති ප්‍රබල එල්නිනෝවක් වනු ඇති බවයි.
මීට පෙර එම සම්භාවිතාවය 95%ක අගයක පැවති බවයි අධ්‍යක්ෂ ජනරාල්වරයා ද (11) මාධ්‍ය හමුවක් පවත්වමින් සඳහන් කළේ.
මෙම එල්නිනෝ තත්ත්වය ඉතා ප්‍රබල එල්නිනෝවක්වීම මත ලබන වසරේ ජනවාරි, පෙබරවාරි සහ මාර්තු යන මාසවල වැසි තත්ත්වය අඩුවීමක් බලාපොරොත්තු විය හැකි බවයි ඔහු වැඩිදුරටත් පවසා සිටියේ.
පසුගිය වසර 75ක කාලය තුළ ලෝකයට බලපෑ ඇති එල්නිනෝවන සියල්ල අභිබවා මෙම එල්නිනෝව දරුණු තත්ත්වයක් බවට පත්වීමට ඇති හැකියාව 75%ක් පමණ වන බවත් අධ්‍යක්ෂ ජනරාල්වරයා මෙහිදී සඳහන් කළා.
“ඇත්තට ගත්තොත් ඔක්තොම්බර්, නොවැම්බර්වල තමයි වැඩියෙන් වැඩි බලාපොරොත්තුවෙන්නේ. ඒ වගේම පෙබරවාරි, මාර්තු, අප්‍රේල් වගේ අඩු වශයෙන් වැසි බලාපොරොත්තුවෙන්නේ.”
