ඉන්ධන මිල පාලනය සම්බන්ධයෙන් “මුකුත් නොකර සිටිනවාට වඩා මිල සූත්‍රය හෝ ක්‍රියාත්මක කිරීම රටට වාසිදායක” බව බලශක්ති අමාත්‍ය උදය ගම්මන්පිල මහතා පවසයි.
ඔහු මේ බව සඳහන් කළේ, ඊයේ (නොවැ. 26) දින මාධ්‍ය වෙත අදහස් දක්වමිනි.
ඉන්ධන මිල පාලනය සම්බන්ධයෙන් මෙරටට වඩා ත් ම ගැළපෙන්නේ ඉන්ධන මිල ස්ථායිකරණ අරමුද‍ල බව ඔහු පැවසී ය.
එමෙන් ම, මංගල සමරවීර මහතා විසින් ඉදිරිපත් කරනු ලැබූ මිල සූත්‍රය විවේචනය කළ තමන් මිල සූත්‍රයක් හඳුන්වා දීමට උත්සාහ කරන්නේ ඇයි දැයි ඇතැම් පිරිස් ප්‍රශ්න කරන බව ද අමාත්‍යවරයා එහිදී වැඩිදුරටත් පැවසීය.
“මංගලගේ මිල සූත්‍රය විවේචනය කළ අපි, මිල සූත්‍රයක් හඳුන්වා දෙන්න උත්සාහ කරන්නේ ඇයි කියලා සමහරු අපෙන් අහනවා. සරලව ම කිව්වො ත් ශ්‍රී ලංකාවට වඩා ගැළපෙන්නේ ඉන්ධන මිල ස්ථායීකරණ අරමුදලයි. හැබැයි මුකුත් නොකර ඉන්නවාට වඩා මිල සූත්‍රය හෝ ක්‍රියාත්මක කිරීම රටට වාසිදායකයි.”
