රුපියල් එක්කෝටි හතලිස් දෙලක්ෂයක් පමණ වටිනාකමකින් යුත් කෙකේන් මත්ද්‍රව්‍ය තොගයක් සිය ගමන් මලු තුළ සඟවා රට තුළට රැගෙන යාමට තැත්කළ විදෙස් ජාතික කාන්තාවක් කටුනායක ගුවන් තොටුපොළේ දී අත්අඩංගුවට ගෙන තිබෙනවා.
ගුවන්තොටුපොළ හරිත මාවත ඔස්සේ පිටතට යාමට උත්සාහ කළ මෙම ඝානා ජාතික කාන්තාව රේගු මත්ද්‍රව්‍ය පාලන අංශයේ නිලධාරීන් අද (29) අලුයම අත්අඩංගුවට ගවන ඇති බවයි වාර්තා වුණේ.
මෙම කාන්තාව දකුණු අප්‍රිකානු විදේශ ගමන් බලපත්‍රයකින් අද (29) අලුයම 1.50ට පමණ කටාර් ගුවන් සේවයට අයත් QR 658 දරණ ගුවන් යානයෙන් ශ්‍රී ලංකාවට පැමිණ තිබුණා.
ඇය විසින් රැගෙන ආ ගමන් මලු 02ක් තුළ මෙම කොකේන් මත්ද්‍රව්‍ය කිලෝ ග්‍රෑම් 04යි ග්‍රෑම් 068ක ප්‍රමාණයක් සඟවා තිබිය දී
රේගු මත්ද්‍රව්‍ය පාලන අංශයේ නිලධාරීන් විසින් සොයාගෙන තිබෙනවා.
අත්අඩංගුවට ගැනුණු විදෙස් ජාතික කත 41 හැවිරිදි තැනැත්තියක් වනවා.
වැඩිදුර විමර්ශන කටයුතු සඳහා මෙම කාන්තාව සහ මත්ද්‍රව්‍ය තොගය පොලිස් මත්ද්‍රව්‍ය කාර්යාංශයේ නිලධාරීන් වෙත භාරදීමට පියවර ගෙන ඇති බවයි වාර්තා වුණේ.
