අධ්යයන පොදු සහතික පත්ර උසස් පෙළ විභාගය අද (25) ආරම්භ වනවා.
අද (25) ආරම්භ වන අපොස උසස් පෙළ විභාග දෙසැම්බර් මස 20 වනදා දක්වා පැවැත් වෙනවා.
මෙවර විභාගය වෙනුවෙන් සම්බන්ධීකරණ මධ්යස්ථාන 319ක සහාය ඇතිව දිවයින පුරා විභාග මධ්යස්ථාන 2,312ක් ස්ථාපිත කර තිබෙනවා.
මෙවර උසස් පෙළ විභාගය සඳහා අයදුම්කරුවන් 333,185 දෙනෙකු සුදුකම් ලබා ඇති අතර, ඊට පාසල් අයදුම්කරුවන් 253,390ක් ඇතුළත්.
මෙවර විභාගයට පෙනී සිටීමට සුදුසුකම් ලබා ඇති පෞද්ගලික අයදුම්කරුවන්ගේ සංඛ්යාව 79,795ක්.
මේ අතර විභාග වංචා වැළැක්වීම සඳහා විශේෂ වැඩපිළිවෙලක් ක්රියාත්මක කර ඇති බව විභාග කොමසාරිස් ජනරාල් අමිත් ජයසුන්දර පවසනවා.
එමෙන්ම විභාග කොමසාරිස්වරයා සඳහන් කර සිටියේ විභාග ශාලා තුළට ජංගම දුරකථන රැගෙන යා හැක්කේ ශාලාධිපතිවරුන්ට පමණක් බවයි.
මේ අතර පවතින අයහපත් කාලගුණ තත්ත්වය හමුවේ විභාග මධ්යස්ථාන ආශ්රිතව යම් ආපදා තත්ත්වයක් ඇති වුවහොත් ඒ සඳහා ක්රියාත්මක වීමට සූදානමින් සිටින බව ආපදා කළමණාකරන මධ්යස්ථානය සඳහන් කර සිටියා.
ඒ, සඳහා විශේෂ සම්බන්ධීකරණ මධ්යස්ථානයක් ස්ථාපිත කර ඇති බව ද ආපදා කළමණාකරන මධ්යස්ථානය පැවසුවා.
