2025 වර්ෂයට අදාළ අධ්යයන පොදු සහතික පත්ර උසස් පෙළ විභාගය අදින් (10) ආරම්භ වනවා.
අද ආරම්භවන විභාගය එළඹෙන දෙසැම්බර් මස 05 වනදා දක්වා පැවැත්වෙනවා.
මෙවර උසස් පෙළ විභාගය දිවයින පුරා විභාග මධ්යස්ථාන 2,362ක දී පැවැත්වෙන අතර, ඒ සඳහා අයදුම්කරුවන් 340,525 දෙනෙක් සුදුසුකම් ලබා සිටිනවා.
මේ අතර විභාග කොමසාරිස් ජනරාල් ඉන්දිකා කුමාරි ලියනගේ පවසන්නේ, විභාග අයදුම්කරුවන් විභාගය ආරම්භ කිරීමට පැයකට පෙර අදාළ විභාග මධ්යස්ථාන වෙත පැමිණෙන ලෙසයි.
එමෙන්ම විභාගය පැවැත්වෙන සම්පූර්ණ කාලය තුළ අපේක්ෂකයින් ඔවුන්ගේ මුව සහ දෙකන් නිරාවරණය කර සිටිය යුතු විභාග කොමසාරිස් ජනරාල්වරිය සඳහන් කළා.
විභාග අපේක්ෂකයින් සන්නිවේදන උපකරණ පැළඳගෙන විභාග වංචා සිදුකරන්නේ ද යන්න නිරීක්ෂණය කිරීම සඳහා මෙලෙස ඔවුන්ගේ මුව සහ දෙකන් නිරාවරණයගෙන සිටීම අනිවාර්ය බවයි ඇය වැඩිදුරටත් පැවසුවේ.
මේ අතර විභාගය සඳහා පෙනී සිටින දරුවන් සදහා විශේෂ බස් රථ සේවාවක් ක්රියාත්මක බව ජාතික ගමනා ගමන කොමිෂන් සභාව දැනුම් දෙනවා.
විභාගය පවතින කාලසීමාව තුළ ආපදා හේතුවෙන් ඇති විය හැකි බාධා වළක්වා ගැනීම සඳහා ආපදා කළමනාකරණ මධ්යස්ථානය ද සූදානමින් සිටින බවයි එම මධ්යස්ථානය පැවසුවේ.
