2023 වර්ෂය අදාළ අධ්‍යන පොදු සහතික පත්‍ර උසස් පෙළ විභාගයේ අයදුම්පත් කැඳවීම ජුලි 07 වනදා ආරම්භ වූ අතර, එහි අවසන් දිනය ලෙස දැක්වෙන්නේ ජුලි 28 වනදායි.
මේ අතර 2022 වර්ෂයට අදාළ උසස් පෙළ විභාගයේ ප්‍රතිඵලය තවමත් නිකුත්ව නොතිබීම හේතුවෙන් දෙවන වර අයදුම් කිරීමට සිටින අයදුම්කරුවන්ට බලවත් අසාධාරණයක් සිදුව ඇති බවයි ලංකා ගුරු සංගමයේ ලේකම් ජෝසප් ස්ටාලින් පවසන්නේ.
අද (21) උදෑසන මාධ්‍ය හමුවක් කැඳවමින් ලේකම්වරයා මේ බව සඳහන් කළා.
මේ අතර, උසස් පෙළ සිසුන්ගේ අයදුම්පත් කැඳවීමේ දී 80% පැමිණීමේ ප්‍රතිශතය මේ වනවිට අර්බුධකාරී තත්ත්වයකට පත්ව ඇති බවත් ලේකම්වරයා මෙහිදී පැවසුවා.
උසස් පෙළ සිසු සිසුවියන්ගේ ජීවිත සමඟ අධ්‍යාපන අමාත්‍යාංශය සිදුකරනු ලබන සෙල්ලම නවතා දමන ලෙසයි ඔහු මෙහිදී වැඩිදුරටත් සඳහන් කර සිටියේ.
මේ අතර අයදුම්පත් කැඳවීමට දැනුම් දී ඇති කාලසීමාවේ දී අයදුම්පත් ඉදිරිපත් නොකරන විභාගය සඳහා පළමු වරට පෙනී සිටින කිසිඳු අයදුම්කරුවකු හට නැවත අයදුම්පත් ඉදිරිපත් කිරීම සඳහා සහන කාලසීමාවක් ලබානොදෙන බවයි විභාග කොමසාරිස්මවරයා මීට පෙර සඳහන් කළේ.
