උඩ ගිය කැරට් මිළ බිම වැටුණ වැටිල්ල

පසුගිය දිනවල සීඝ්‍රයෙන් ඉහළ ගිය එළවළු මිල මේ වනවිට පහත වැටෙමින් පවතින අතර, අඛණ්ඩව 03 වන දිනටත් අද එළවළු මිල ගණන් පහත වැටී තිබෙනවා.

අද දිනයේදී දඹුල්ල ආර්ථික මධ්‍යස්ථානයේ කැරට් කිලෝවක් අලෙවි වූයේ රුපියල් 350ත්, 400ත් අතර මිලකටයි. 

පසුගිය කාලයේ රුපියල් 2,500ත්, 3,000ත් අතර මිලකට අලෙවි වූ කැරට් මිල ගණන් මෙලෙස පහත වැටීමට හේතු වී ඇත්තේ තොග වැඩි වශයෙන් වෙළෙඳපොලට ලැබීමයි. 

එසේම, අනෙකුත් එළවළු වර්ගවල තොග ද මේ වන විට වැඩි වශයෙන් දඹුල්ල ආර්ථික මධ්‍යස්ථානයට ලැබෙමින් පවතින අතර, ඒ හේතුවෙන් අනෙකුත් එළවළු වර්ගවල මිල ගණන්ද සැලකිය යුතු ලෙස පහත වැටී තිබෙනවා.