ඉදල්ගස්හින්න සහ හපුතලේ දුම්රිය ස්ථාන අතර ප්රදේශයේදී උඩරට දුම්රිය මාර්ගයට ගලක් පෙරළීම හේතුවෙන් දුම්රිය ධාවනයට බාධා මතුවී තිබෙනවා.
අප වාර්තාකරු සඳහන් කළේ අදාළ ගල ඉවත් කිරීමේ කටයුතු සඳහා දුම්රිය සේවකයන් යොදවා ඇති බවයි.
පැය කිහිපයක් ඇතුලත දුම්රිය මාර්ගයේ ගමනාගමනය යථා තත්වයට පත් කළ හැකි වනු ඇතැයි දුම්රිය පාලක මැදිරිය ප්රකාශ කළා.
මේ අතර අද දහවල් 1ට පමණ වටවල හා ගලබඩ යන දුම්රිය ස්ථාන අතර දී ගසක් කඩා වැටීම හේතුවෙන් ද උඩරට දුම්රිය මාර්ගයේ ගමනාගමනයට බාධා මතුවුණා.
එම ගස ඉවත් කර මාර්ගය යථා තත්ත්වයට පත් කිරීමේ කටයුතු මේ වනවිට ක්රියාත්මකයි.
