මොණරාගල, කුඹුක්කන, වෙල්ලච්චි කඩේ ප්රදේශයේ නිවසක තිබී කපා කොටා ඝාතනය කළ කාන්තාවකගේ මළ සිරුරක් අද (17) උදෑසන සොයාගෙන තිබෙනවා.
මොණරාගල පොලිසිය සඳහන් කළේ පවුල් ආරවුලක් මත ස්වාමියා විසින් බිරිඳව, නිවසේ තිබූ උක්ගස් කපන පිහියකින් කපා කොටා මෙලෙස ඝාතනය කර ඇති බවයි.
මෙලෙස ඝාතනයට ලක්ව ඇත්තේ වයස අවුරුදු 45ක් වන තිදරු මවක් බවයි වාර්තා වන්නේ.
ඝාතනය සිදුකිරීමෙන් අනතුරුව සැකකාර ස්වාමියා පැමිණ පොලිසියට භාර වී ඇති අතර, ඉන් අනතුරුව ඔහු අත්අඩංගුවට ගැනීමට කටයුතු කර තිබෙනවා.
මළ සිරුර සම්බන්ධයෙන් වන පශ්චාත් මරණ පරීක්ෂණය සහ ස්ථානීය මහේස්ත්රාත් පරීක්ෂණය සිදුකිරීමට නියමිතව තිබූ බවයි අප වාර්තාකරු සඳහන් කළේ.
මොණරාගල පොලිසිය මේ සම්බන්ධයෙන් ඉදිරි විමර්ශන සිදුකරනු ලබනවා.
