ආසියානු කුසලාන ක්රිකට් තරගාවලියේ සුපිරි 04 වටයේ පාකිස්ථානය සහ ඉන්දියාව අතර තරගයට අමතර දිනයක් වෙන් කිරීමට ආසියානු ක්රිකට් කවුන්සිලය ඊයේ (08) තීරණය කළා.
ඒ, අනුව හෙට (10) පැවැත්වෙන තරගය සඳහා අමතර දිනයක් ලෙස අනිද්දා (11) දිනය ද වෙන්කරනු ලැබුවේ තරගයට වර්ෂාවෙන් බාධා එල්ලවීමට ඇති සම්භාවිතාව ඉහළ අගයක පැවතීම හේතුවෙන්.
කෙසේ වෙතත් සුපිරි හතර දෙනාගේ තරග වටයේ මෙම තරගය සඳහා පමණක් අමතර දිනයක් වෙන් කිරීමේ තීරණය බොහෝ පිරිසකගේ දෝෂ දර්ශනට ලක්ව තිබෙනවා.
ඒ, අනුව ඉන්දීය හිටපු ක්රීඩකයෙක්වන වෙන්කටේෂ් ප්රසාද් ද මෙම තීරණය සම්බන්ධයෙන් එතරම් යහපත් ප්රතිචාරයක් දක්වා නැහැ.
වෙන්කටේෂ් ප්රසාද් සිය X සමාජ මාධ්ය ගිණුම ඔස්සේ සටහනක් තබමින් පවසන්නේ, මෙය අතිශය නිර්ලජ්ජිත ක්රියාවක් බවයි.
සුපිරි හතර වටයේ තරග වදින අනෙක් කණ්ඩායම් දෙක උපහාසයට ලක් කිරීමක් තරගාවලි සංවිධායකයින් මේ තීරණය හරහා සිදුකර ඇති බවයි වෙන්කටේෂ් පවසන්නේ.
එලෙස නීති රීති වෙනස් ලෙස තරඟාවලියක් පැවැත්වීම සදාචාර විරෝධී ක්රියාවක් බව ද ඔහු පවසනවා.
මේ අතර කණ්ඩායමේ ප්රධාන පුහුණුකරු ක්රිස් සිල්වවුඩ් ද මෙම තරණය පිළිබඳවව අදහස් දක්වා සිටියා.
එහිදී ඔහු පවසන්නේ “මම මෙය මුලින්ම ඇසූ විට පුදුමයට පත් වුණා. නමුත් ඒ සමඟම අපි තරඟයේ සංවිධායකයින් නොවන නිසා අපට ඒ ගැන කළ හැකි දෙයක් නැහැ. නමුත් මේ ආකාරයෙන් ක්රීඩා කරන නිසා ඉන්දියාව සහ පාකිස්තානය අතිරේක ලකුණක් රැස් කිරීම අනෙකුත් කණ්ඩායම් දෙකට අවාසියක් විය හැකියි.” යනුවෙන්.
