දේශීය ජෙට් යානා ඒකාබද්ධව නිෂ්පාදනය කිරීම සඳහා ඉන්දියාව සහ එක්සත් ජනපදය නුදුරේදීම ගිවිසුමක් අත්සන් කිරීමට නියමිතයි.
ප්රහාරක ගුවන් යානා එන්ජින් නිෂ්පාදනය කිරීම සඳහා ඇමරිකානු සමාගමක් වන ජෙනරල් ඉලෙක්ට්රික් සහ ඉන්දීය රාජ්ය පාලනය යටතේ ඇති හින්දුස්ථාන් ඒරෝනොටික්ස් ලිමිටඩ් හවුල්කාරිත්වය යටතේ නිෂ්පාදන කටයුතු සිදුකිරීමට නියමිත බව විදෙස් මාධ්ය වාර්තා කරනවා.
මෙම හවුල්කාරිත්වය යටතේ පළමුව ගුවන් යානා එන්ජින් නිපදවීමත් පසුව ඉන්දීය හමුදා නැව්වල බල ගැන්වීම සඳහා අවශ්ය වන එන්ජින් සැකසීමත් සිදුවනු ඇති.
ඉදිරියේදී සිදු කිරීමට නියමිත ඉන්දීය අග්රාමාත්ය නරේන්ද්ර මෝදිගේ එක්සත් ජනපද රාජ්ය සංචාරයේදී මෙම ගිවිසුම සම්බන්ධයෙන් ප්රකාශයට පත් කිරීමට ඉඩ ඇති බවයි වාර්තා වන්නේ.
මෙය දෙරට අතර සිදු වීමට නියමිත වඩාත්ම නිශ්චිත ආරක්ෂක සහයෝගීතාවයෙන් එකක් ලෙස දේශපාලන විශ්ලේෂකයින් පෙන්වා දෙනවා.
එක්සත් ජනපද ආරක්ෂක ලේකම් ලෙයොඩ් ජේම්ස් ඔස්ටින් ඉදිරි සතියේ නවදිල්ලියේ සිදුකරන සංචාරයේදී මීට අදාළ කටයුතු සාකච්ඡා කරනු ඇති.
ඒ යටතේ දෙපාර්ශ්වය අතර අවබෝධතා ගිවිසුමක් අත්සන් තැබෙනු ඇති බවටයි වාර්තා වන්නේ.
එහි දෙවන පියවර වන්නේ එක්සත් ජනපද රජය දින 30ක කාලයකදී එරට කොංග්රසයට දැනුම් දීමයි.
ආරංචි මාර්ග සඳහන් කළේ මේ සඳහා කොංග්රසයෙන් කිසිදු ගැටලුවක් අපේක්ෂා නොකරන බවයි.
ඉන්දීය ජාතික ආරක්ෂක උපදේශක අජිත් දොවාල් ඉකුත් පෙබරවාරි මාසයේදී අමෙරිකාවේ සිදුකළ සංචාරය අතරතුර ඔහුගේ අමෙරිකානු සහචර ජැක් සුලිවන් සමඟ ජෙට් එන්ජින් සඳහා තාක්ෂණය හුවමාරු කිරීම සම්බන්ධයෙන් තීරණාත්මක සාකච්ඡාවකට මුල පිරූ බව විදෙස් මාධ්ය වාර්තා කළා.
ඒ දෙරටේ රජයන්, ව්යාපාර සහ අධ්යයන ආයතන අතර ද්විපාර්ශ්වික උපායමාර්ගික තාක්ෂණ හවුල්කාරිත්වය සහ ආරක්ෂක කාර්මික සහයෝගීතාව ඉහළ නැංවීමට සහ පුළුල් කිරීමට එක්සත් ජනපද ජනාධිපති ජෝ බයිඩන් සහ අගමැති මෝදි 2022 මැයි මාසයේදී නිවේදනය කළ පසුබිමකයි.
ද්විපාර්ශ්වික සබඳතා නව ඉහළ මට්ටමකට ගෙන යන බැවින්, ප්රංශ එන්ජින් නිෂ්පාදකයෙකු වන සෆ්රාන් සහ බ්රිතාන්ය සමාගමක් වන රෝල්ස් රොයිස් වෙතින් යුරෝපීය තරඟය පරාජය කිරීමට එක්සත් ජනපදයට හැකි වන පරිදි ගිවිසුම අත්සන් කිරීමට එක්සත් ජනපදය උනන්දුවෙන් පසුවන බව දේශපාලන විශ්ලේෂකයන්ගේ මතයයි.
යෝජිත ආරක්ෂක ගනුදෙනුව පිළිබඳ දැනට හෙළි කර ඇති කරුණුවලින් කරුණු වලින් පැහැදිලි වන්නේ දේශීය සැහැල්ලු සටන් ගුවන් යානාවනTejas හි Mark II සංස්කරණය බල ගැන්වීම සඳහා 2010 දී ඉන්දියාව විසින් කෙටි ලැයිස්තුගත කරන ලද GE F414 එන්ජිම පළමුව නිෂ්පාදනය කිරීමට සැලසුම් කර ඇති බවයි.
එහි නිෂ්පාදනය ඉන්දියාවේ ආරම්භ වූ පසු, GE F414, Tejas Mk II, Advanced Medium Combat Aircraft මෙන්ම ඉන්දියානු නාවික හමුදාව සඳහා දේශීය Twin Engine Deck Based Fighter ඇතුළු සියලුම අනාගත ප්රහාරක ජෙට් යානා බලගන්වනු ඇති.
F414 යනු රාත්තල් 22,000 තෙරපුම් පන්තියේ එන්ජින්වල පසු දැවෙන ටර්බෝෆෑන් එන්ජිමක්.
Boeing Super Hornets සහ Gripen ප්රහාරක ජෙට් යානා මෙම එන්ජිමෙන් ක්රියාත්මක වන ගුවන් යානා අතර වනවා.
යෝජිත සැලැස්ම යටතේ ප්රථම අදියර වශයෙන් එන්ජින් සඳහා සංරචක සෑදීම ආරම්භ වන අතර එහි සම්පූර්ණ පියවරට යාමට හැකිවනු ඇත්තේ දශකයක පමණ කාලයකින් බවටයි විශ්වාසය පළ වන්නේ.
