ඔඩිෂාහි චන්දිපූර් හි පිහිටි ඒකාබද්ධ පරීක්ෂණ පරාසයේ සිට මධ්යම පරාසයේ බැලැස්ටික් මිසයිලයක් වන ‘අග්නි-4’ සාර්ථකව අත්හදා බැලීමට ඉන්දියාව සමත්වී ඇති බව ඉන්දීය ආරක්ෂක අමාත්යාංශය නිවේදනය කර තිබෙනවා.
මූලෝපායික බළකා විධානයේ අධීක්ෂණය යටතේ සිදුකරන ලද මෙම පරීක්ෂණාත්මක නිකුත් කිරීම මඟින් මිසයිලයේ සියලුම මෙහෙයුම් සහ තාක්ෂණික පරාමිතීන් සාර්ථකව තහවුරු කරගත් බව සඳහන්.
ඉන්දියාවේ මූලෝපායික න්යෂ්ටික බලඇණියේ නිවැරදිභාවය සහ මෙහෙයුම් සූදානම තහවුරු කිරීම සඳහා වන පරීක්ෂණ වැඩසටහනක කොටසක් ලෙස මෙම අත්හදා බැලීම සිදුකර තිබෙනවා.
මෙම අග්නි-4 මිසයිලය කිලෝමීටර 4,000 ක පමණ දුරින් පිහිටි ඉලක්ක වෙත නිවැරදිව පහරදීමේ හැකියාවෙන් යුක්ත වනවා.
පියාසර අතරතුර මාර්ගය නිවැරදි කරගැනීමේ හැකියාව ඇති 5 වන පරම්පරාවේ පරිගණක පද්ධති මෙන්ම Ring Laser Gyro පදනම් කරගත් සංකීර්ණ සංචලන පද්ධති ද මෙම මිසයිලයට අන්තර්ගත කර තිබෙනවා.
