ඉදිරි පැය 36ට අදාළව කාලගුණ විද්යා දෙපාර්තමේන්තුව විසින් අද (17) පස්වරුවේ නිවේදනයක් නිකුත් කරනු ලැබුවා.
ඒ, අනුව උතුරු, උතුරු මැද, නැගෙනහිර සහ ඌව පළාත්වල විටින් විට වැසි ඇතිවිය හැකි බව එම දෙපාර්තමේන්තුව සඳහන් කරනවා.
මේ අතර දිවයිනේ සෙසු ප්රදේශවල පස්වරු 1.00න් පසුව තැනින් තැන වැසි හෝ ගිගුරුම් සහිත වැසි ඇතිවිය හැකි අතර, බස්නාහිර, සබරගමුව, මධ්යම සහ වයඹ පළාත්වල ඇතැම් ස්ථානවලට මිලිමීටර් 75ට වැඩි තරමක තද වැසි ඇතිවිය හැකි බවයි අදාළ නිවේදනය දැක්වෙන්නේ.
මේ අතර පවතින වර්ෂාවත් සමඟ දිස්ත්රික්ක 11කට නිකුත්කර තිබූ නායයෑමේ අනතුරු ඇඟවීම් තවදුරටත් දීර්ඝ කර තිබෙනවා .
ඒ, අනුව බදුල්ල, ගාල්ල, හම්බන්තොට, කළුතර, කෑගල්ල, මහනුවර, කුරුණෑගල, මාතලේ, මාතර, නුවරඑළිය සහ රත්නපුර යන දිස්ත්රික්කවලට මෙම නායයෑමේ අනතුරු ඇඟවීම ක්රියාත්මක බවයි ජාතික ගොඩනැගිලි පර්යේෂණ සංවිධානය සඳහන් කළේ.
මේ අතර නිල්වලා ගඟ ආශ්රිත පහත් බිම්වල වෙසෙන ජනතාව සඳහා මීට පෙර නිකුත් කර තිබූ ඇම්බර් වර්ණයෙන් යුතු අනතුරු ඇඟවීමේ නිවේදනය තවදුරටත් දීර්ඝ කරන බව වාරිමාර්ග දෙපාර්තමේන්තුව සඳහන් කරනවා.
එම ප්රදේශවල ජනතාව සහ පහත්බිම් ආශ්රිත මාර්ගවල ගමන්ගන්නා රථවාහනවල රියදුරන්ගෙන් දැඩි විමසිල්ලෙන් පසුවන ලෙස ඉල්ලා සිටිනවා.
