දකුණු ඉතාලි මුහුදු සීමාවේදී සරණාගතයින් රැගත් බෝට්ටුවක් අනතුරට ලක්වීමෙන් එහි ගමන් ගත් 62 දෙනෙකු මියගොස් ඇති බව විදෙස් මාධ්ය වර්තාකරනවා.
මියගිය පිරිස අතර කුඩාදරුවන් 12 දෙනෙකුද වන බවයි එම වාර්තාවල දැක්වෙන්නේ.
මෙම බෝට්ටුව තුළ ඇෆ්ගනිස්තානය, පකිස්තානය, සෝමාලියාව සහ ඉරානය යන රටවල නීතිවිරෝධී සංක්රමණිකයින් පිරිසක් ගොස් ඇති බව පැවසෙනවා.
කැලබ්රියා වෙරළට ඔබ්බෙන් වූ ගල් සහිත මුහුදේ සංක්රමණිකයන් රැගත් ලී බෝට්ටුව යමින් තිබියදී මේ අනතුර සිදුව ඇති බව වර්තාවනවා.
මෙම යාත්රාව දින තුන හතරකට පෙර තුර්කියේ ඉස්මීර් නගරයෙන් පිටත් වූ අතර, පුද්ගලයන් 140 ත් 150 ත් අතර පිරිසක් එහි සිටි බව රොයිටර් පුවත් සේවය වාර්තා කරනවා.
බෝට්ටුව කැබලිවලට කැඩී තිබියදී 80 දෙනෙකු පමණ බේරා ගත් බව ඉතාලියේ ගිනි නිවන හමුදාව පැවසුවා.
ඉතාලි අගමැති ජෝර්ජියා මෙලෝනි මිනිස් ජාවාරම්කරුවන්ට දොස් පවරමින් අයහපත් කාලගුණය තුළ පුද්ගලයින් 200 දෙනෙකු සමඟ මීටර් 20 ක් දිග බෝට්ටුවක් දියත් කිරීම අපරාධයක් බව පවසනවා.ඇය නිවේදනයක් නිකුත් කරමින් කියා සිටින්නේ . “ආරක්ෂිත ගමනක් යන ව්යාජ දෘෂ්ටිකෝණය යටතේ මිලට පිරිමින්, කාන්තාවන් සහ ළමයින්ගේ ජීවිත හුවමාරු කර ගැනීම අමානුෂිකයි.” යනුවෙන්.
