අල්ලස් ලබාගැනීමේ චෝදනා මත වැලිගම පොලිස් ස්ථානයට අනුයුක්තව සේවය කරන ලද පොලිස් සැරයන්වරයෙකු අත්අඩංගුවට ගෙන තිබෙනවා.
රුපියල් දස දහසක මුදලක් අල්ලසක් ලෙස ලබා ගන්නා අවස්ථාවේදී අල්ලස් කොමිසමේ නිලධාරීන් කණ්ඩායමක් විසිනුයි සැකකරු අත්අඩංගුවට ගෙන කොටවිල පොලිසියට ඉදිරිපත් කර ඇත්තේ.
වැලිගම දෙනිපිටිය ප්රදේශයේ පදිංචි කාන්තාවකගේ බැංකු ගිණුමකින් කිසියම් පුද්ගලයෙකු අවස්ථා පහකදී වෙනත් ගිණුමකට රුපියල් 470000ක් මාරු කරගෙන ඇති බවට එම කාන්තාව වැලිගම පොලිසියට පැමිණිලි කර තිබූ බව සඳහන්.
එම පැමිණිල්ලට අනුව වැලිගම පොලිසියේ අධිකරණ කටයුතු භාරව සිටින පොලිස් නිලධාරියා විසින් මුදල් මාරු කර ඇතැයි කියන ගිණුමේ සහ ගිණුම් හිමියාගේ තොරතුරු ලබා ගැනීමට අවශ්ය බව පවසමිනුයි පැමිණිලිකාර කාන්තාවගෙන් රුපියල් 10000ක මුදලක් ඉල්ලා ඇත්තේ.
ඒ අනුව එම මුදල වැලිගම පොලිස් ස්ථානය ආසන්නයේදී අද පෙරවරුවේ පැමිණිලිකාරිය විසින් සැරයන්වරයාට ලබාදෙන අවස්ථාවේ අල්ලස් හෝ දුෂණ විමර්ශණ ඒකකයේ නිලධාරීන් විසින් සැකකාර පොලිස් නිලධාරියා අත්අඩංගුවට ගෙන තිබෙනවා.
අත්අඩංගුවට ගෙන ඇති සැකකාර පොලිස් සැරයන්වරයා හබරාදූව ප්රදේශයේ පදිංචිකරුවෙකු වන අතර ඔහු කොටවිල මහේස්ත්රාත් අධිකරණයට ඉදිරිපත් කිරිමට නියමිතයි.
