රුපියල් කෝටි 50කට අධික වටිනාකමින් යුත් අයිස් සහ හෙරොයින් මත්ද්රව්ය තොගයක් සමඟ අම්බලන්ගොඩ සහ අහුංගල්ල යන ප්රදේශවල දී අත්අඩංගුවට ගැනුණු සැකකාරිය සහ සැකකරුවන් තිදෙනා ලබන මාර්තු 05 වනදා දක්වා රඳවාගෙන ප්රශ්න කිරීමට අවසර ලබා දී තිබෙනවා.
ඒ, සැකකරුවන් සිව්දෙනා අද (28) දිනයේ බලපිටිය මහේස්ත්රාත් අධිකරණයට ඉදිරිපත් කිරීමෙන් අනතුරුවයි.
අම්බලන්ගොඩ සහ අහුංගල්ල යන ප්රදේශවල ඊයේ (27) පස්වරුවේ සිදුකළ වැටලීමකදී අයිස් මත්ද්රව්ය කිලෝග්රෑම් 13ක් සහ හෙරොයින් කිලෝග්රෑම් 14කට අධික ප්රමාණයක් සමඟ මෙම සැකකරුවන් අත්අඩංගුවට ගනු ලැබුවා.
ඊට අමතරව මිලිමීටර් 09 පතොරම් උණ්ඩ 30ක් සහ මිලිමීටර් 38 පතොරම් උණ්ඩ 30ක් ද මොවුන් සන්තකයේ තිබී සොයාගත් බවයි පොලිසිය පැවසුවේ.
අහුංගල්ල පොලිසිය මඟින් අත්අඩංගුවට ගැනුණු රුපියල් කෝටි 50කට අධික වටිනාකමින් යුත් මෙම මත්ද්රව්ය තොගය සංවිධානාත්මක අපරාධකරුවෙක් සහ මත්ද්රව්ය ජාවාරම්කරුවෙක් වන කරන්දෙණිය සුද්දාගේ බවට පොලිසිය පවසනවා.
අත්අඩංගුවට ගැනුණු සැකකරුවන් අතර හිටපු යුද හමුදා බුද්ධි අංශ නිලධාරියෙක් ද සිටින අතර, කරන්දෙණිය සුද්දාගේ මෙහෙයවීම මත ඔහු විසින් මෙම මත්ද්රව්ය ජාවාරම සිදුකර ඇති බවයි දැනට සිදුකළ විමර්ශනවල දී අනවරණය වී ඇත්තේ.
