අමෙරිකාවේ දී ඔත්තු බැලූ බව චීන සිසුවෙක් පිළිගනී

ඩ්‍රෝන යානයක් භාවිතා කරමින් එක්සත් ජනපද හමුදා කඳවුරුවල ඡායාරූප ගැනීම සම්බන්ධයෙන් චීන ශිෂ්‍යයෙක් ෆෙඩරල් උසාවියේ දී ඔත්තු බැලීමේ චෝදනාවට වරද පිළිගෙන තිබෙනවා.

ඔහු මිනසෝටා විශ්වවිද්‍යාලයේ 26 හැවිරිදි උපාධි අපේක්ෂකයෙක්.

ඔත්තු බැලීමේ පනතේ විධිවිධාන දෙකක් යටතේ චෝදනා හයෙන් දෙකකට ඔහු වරද පිළිගෙන තිබෙනවා.

චෝදනා දෙක සඳහා ඔහුට වසර දෙකක සිර දඬුවමක් සහ එක් වරදකට ඩොලර් 100,000 ක දඩයක් නියම විය හැකියි.

අගෝස්තු අග හෝ සැප්තැම්බර් මාසයේ දී ඔහුගේ දඬුවම තීරණය කිරීමට නියමිතයි.

නඩු පවරන්නන් පැවසුවේ විශ්වවිද්‍යාල ශිෂ්‍යයා ජනවාරි 6 වන දින වර්ජිනියාවේ නිව්පෝට් නිවුස් නැව් තටාකාංගනය අසල ඩ්‍රෝන යානයක් පියාසර කර ඇති අතර තවමත් සැලසුම් කිරීමේ ක්‍රියාවලියේ පවතින එක්සත් ජනපද නාවික යාත්‍රාවල පින්තූර ගත් බවයි.