අමෙරිකානු යුද ආධාර පළමු තොගය තායිවානයට ලැබෙයි

තායිවානයට අති නවීන ඒබ්‍රම්ස් යුද ටැංකි 38ක් ඇමෙරිකාවෙන් ලැබුණු බව තායිපේ ආරක්ෂක අමාත්‍යාංශය නිවේදනය කළා.

එය 2019 වසරේ දී ඇණවුම් කළ යුද ටැංකි 108ක පළමු කොටසයි.

විභව චීන ප්‍රහාරයකට එරෙහිව සිය යුද හැකියාවන් ඉහළ නැංවීමේ පියවරක් ලෙස මෙම යුද ටැංකි ඇණවුම ලබා දී තිබෙනවා.

තායිවානයේ වත්මන් යුද ටැංකි බළකාය තායිවානයේ නිෂ්පාදිත CM 11 Brave Tiger සහ එක්සත් ජනපදයේ නිෂ්පාදිත M60A3 ටැංකි 1,000කින් පමණ සමන්විතයි.

ලෝකයේ බරම යුද ටැංකි අතරට අයත් ඒබ්‍රම්ස් යුද ටැංකි එක්සත් ජනපද හමුදාවේ ප්‍රධානතම රථයක්.

තායිවානය 2019 දී නවීනතම M1A2 ටැංකි ඉල්ලා සිටි අතර, ඒ සඳහා ඩොලර් බිලියන 1.2කට වඩා සමාන මුදලක් වෙන් කළා.

ඉතිරි ඇණවුම 2025 සහ 2026 දී ලබාදීමට අපේක්ෂිතයි.