අමෙරිකා එක්සත් ජනපද ජාතික ආරක්ෂක විශ්වවිද්යාලයේ අද්මිරාල් (Retd) හැරි හැරිස් (Harry Harris) ප්රමුඛ නියෝජිත පිරිසක් ආරක්ෂක ලේකම් (විශ්රාමික) එයාර් වයිස් මාර්ෂල් සම්පත් තුයියකොන්තා මහතා මුණ ගැසී තිබෙනවා.
ආරක්ෂක අමාත්යාංශය නිවේදනය කළේ අද (07) ශ්රී ජයවර්ධනපුර කෝට්ටේ පිහිටි ආරක්ෂක අමාත්යාංශයේ දී මෙම හමුව සිදු වූ බවයි.
ආරක්ෂක ලේකම්වරයා විසින් සිය කාර්යාලය වෙත පැමිණි අමෙරිකානු දූත පිරිස ඉතා උණුසුම් අයුරින් පිළිගැනීමෙන් අනතුරුව ඔවුන් සමග සුහද කතාබහක ද නිරත වුණා.
මෙම අවස්ථාව සනිටුහන් කරමින් දෙපාර්ශ්වයේ සාමාජිකයින් අතර සමරු තිළිණ හුවමාරුවක් ද,සිදු වුණු අතර ශ්රී ලංකා ආරක්ෂක අමාත්යාංශයේ හමුදා සම්බන්ධතා නිලධාරී එයාර් වයිස් මාර්ෂල් පද්මන් ද කොස්තා සහ අමෙරිකානු තානාපති කාර්යාලයේ ආරක්ෂක උපදේශක ලුතිනන් කර්නල් ඇන්තනි නෙල්සන් ද එක් ව සිටියා.
එක්සත් ජනපද නියෝජිත පිරිස ආරක්ෂක අමාත්යාංශයේ නියෝජ්ය හමුදා සම්බන්ධතා නිලධාරි බ්රිගේඩියර් නදීක කුලසේකර සහ ජ්යෙෂ්ඨ සහකාර ලේකම් මයුරි පෙරේරා සමඟ ආරක්ෂක අමාත්යාංශ ශ්රවණාගාරයේ දී තොරතුරු හුවමාරු කර ගැනීමේ කෙටි සංවාදයක් ද පවත්වා ඇති බවයි වාර්තා වන්නේ.
