මහරගම අපේක්ෂා රෝහලේ විකිරණ තාක්ෂණවේදීන් ක්රියාත්මක කළ වෘත්තිය ක්රියාමාර්ගය අවසන් කර තිබෙනවා.
සෞඛ්ය අමාත්යංශ ලේකම් වෛද්ය පාලිත මහීපාල මහතා සමග පැවති සාකච්ඡා සාර්ථක වීමෙන් අනතුරුවයි වර්ජනය අත්හිටුවීමට තීරණය කර ඇත්තේ.
රජයේ විකිරණ විද්යා තාක්ෂණවේදීන්ගේ සංගමය මෙම වෘත්තිය ක්රියාමාර්ගය ආරම්භ කළේ පසුගිය 5 වැනිදායි.
ඒ, සෞඛ්ය ලේකම්වරයා විසින් ඔවුන්ගේ අමතර සේවා සඳහා සිදුකරන ගෙවීම් කප්පාදුවන ආකාරයෙන් නිකුත් කළ ලිපියකට විරෝධය දැක්වීමට බව පවසමින්.
කෙසේ වෙතත් රජයේ විකිරණ විද්යා තාක්ෂණවේදීන්ගේ සංගමයේ ලේකම්වරයා පවසන්නේ රෝහල් අධ්යක්ෂවරයා අමාත්යාංශය සමඟ සාකච්ඡා කර සිය ගැටලුව සඳහා විසඳුමක් ලබාදීමට ලිඛිතව පොරොන්දුවක් ලබා දෙන්නේ නම් මෙම වෘත්තීය ක්රියාමාර්ග අත්හිටුවීමට තමන් පියවර ගන්නා බවයි.
මේ සම්බන්ධයෙන් ප්රතිචාර දක්වමින් රෝහලේ අධ්යක්ෂ වෛද්ය අරුණ ජයසේකර මහතා පැවසුවේ ප්රතිකාර ආරම්භ කළ රෝගියෙකුගේ ප්රතිකාර නතර කළහොත් පිළිකාව පැතිරීමේ වේගය ඉතා වැඩි බවත්, පිළිකා රෝගය සඳහා ප්රතිකාර
ලබාදෙන්නේ සැලැස්මකට අනුව බැවින් එක් ප්රතිකාර ක්රමයක් පමා වූ විට සිදුකරන අනෙකුත් ප්රතිකාරවලින් ලැබෙන සහනයත් නොලැබෙන බවයි.
මෙම වෘත්තීය ක්රියාමාර්ගය හේතුවෙන් ඉතා දුර බැහැර ප්රදේශවල සිට දින වෙන්කරවාගෙන මහරගම අපේක්ෂා රෝහලට පැමිණෙන රෝගීන් පත්ව සිටියේ දැඩි අසීරුතාවකටයි.
