දිවයිනේ විවිධ ප්රදේශවල සිදු වූ පුද්ගල ඝාතන සහ තියුණු ආයුධවලින් පහරදී තුවාල සිදු කිරීම් ඇතුලු අපරාධ රැසකට සම්බන්ධ පුද්ගලයන් 4 දෙනෙකු අත්අඩංගුවට ගෙන තිබෙනවා.
ඒ මාතලේ නාවුල සහ මොරටුව ප්රදේශවලදීයි. නාවුල ලේණමීය ප්රදේශයේදී පුද්ගලයෙකුට තියුණු ආයුධවලින් පහරදී ඝාතනය කිරීමේ සිද්ධියට අදාළ සැකකරුවන් තුන්දෙනෙකු ඊයේ අත්අඩංගුවට ගනු ලැබුවා.
පසුගිය 2022 වසරේ ඔක්තෝම්බර් මස 5 වනදායි මෙම ඝාතනය සිදුවී තිබුණේ.
සිද්ධියට අදාළව අත්අඩංගුවට ගත් සැකකරුවන් තුන්දෙනාගෙන් කළ ප්රශ්න කිරීම්වලදී අපරාධයට යොදාගත් පිහි දෙකක් ද පොලිසිය සොයාගෙන තිබෙනවා.
අවුරුදු 38 සහ 49 වයස්වල පසුවන සැකකරුවන් නාවුල ප්රදේශයේම පදිංචිකරුවන් පිරිසක්.
ඔවුන් අද නාවුල මහේස්ත්රාත් හමුවට ඉදිරිපත් කිරීමට නියමිතයි.
මේ අතර මොරටුව ප්රදේශයේදී තියුණු ආයුධවලින් පහරදී පුද්ගලයෙකුට බරපතල තුවාල සිදු කිරීමට අදාළ සැකකරුවෙකු ඊයේ රාවතාවත්ත ප්රදේශයේදී අත්අඩංගුවට ගනු ලැබුවා.
මොරටුව පොලිසියට ලැබුණු තොරතුරකට අනුවයි ඊයේ රාත්රී වැටලීම සිදුකර ඇත්තේ.
එම පුද්ගලයා සතුව තිබී මන්නා පිහි 5ක් කඩු 3ක් සහ තවත් පිහියක් සොයා ගැණුනා.
මොරටුව ප්රදේශයේ පදිංචි 30 හැවිරිදි සැකකරුගෙන් කළ ප්රශ්න කිරීම්වලදී අනාවරණ කර ඇත්තේ මුදලට මෙලෙස පුද්ගලයින් කපා කොටා පහරදීම් සිදු කරන බවටයි.
සැකකරු අද මොරටුව මහේස්ත්රාත් අධිකරණයට ඉදිරිපත් කිරීමට නියමිතව තිබෙනවා.
