spot_img
spot_img
spot_img
AFC Banner
Empty Ad
Empty Ad

අධිවේගයේ බස්වල යන අයට ගාස්තු ගෙවන්න පෙරගෙවුම් කාඩ්පතක්

දක්ෂිණ අධිවේගී මාර්ගය භාවිත කරන බස් මගීන් සඳහා පෙරගෙවුම් කාඩ්පත් නිකුත් කිරීමේ නියමු ව්‍යාපෘතිය ඊයේ ආරම්භ කෙරුණා.

මාකුඹුර බහුවිධ ප්‍රවාහන මධ්‍යස්ථානයේදී යි මගීන්ට පොදු ප්‍රවාහනය සඳහා පෙරගෙවුම් කාඩ්පත් නිකුත් කරනු ලැබුවේ.

මෙම පෙරගෙවුම් කාඩ්පත් ක්‍රමය ජාතික ගමනාගමන කොමිෂන් සභාව (NTC) සහ ශ්‍රී ලංකා ගමනාගමන මණ්ඩලය (SLTB) සමඟ එක්ව හඳුන්වා දී තිබෙනවා.

බස් රථ සඳහා පෙරගෙවුම් කාඩ්පත් මහජන බැංකුව සහ ජාතික ඉතිරිකිරීමේ බැංකුව හරහායි නිකුත් කෙරෙන්නේ.

මෙම පෙරගෙවුම් කාඩ්පත් රීලෝඩ් කිරීම අදාළ බැංකුවල CDM යන්ත්‍ර හරහා ක්ෂණිකව සහ පහසු ලෙස සිදු කිරීමේ හැකියාව පවතිනවා.

වැඩසටහනේ පළමු අදියර යටතේ නොමිලේ කාඩ්පත් නිකුත් කිරීමට ද බැංකු කටයුතු කරනු ඇති.

පෙරගෙවුම් කාඩ්පත් නිකුත් කිරීම සම්බන්ධයෙන් ප්‍රවාහන අමාත්‍යාංශය අදාළ මූල්‍ය ආයතන සමඟ ඊයේ ගිවිසුමකට එළැඹීමෙන් අනතුරුව අමාත්‍යාංශ ලේකම් එම්.එම්.කේ.මායාදුන්නේ මහතාගේ ප්‍රධානත්වයෙන් මෙම ව්‍යාපෘතිය ආරම්භ කෙරුණා.

බස් මගීන් සඳහා මුලින්ම හඳුන්වා දෙන මෙම කාඩ්පත් ක්‍රමය පසුව දුම්රිය මගීන් සඳහාද හඳුන්වා දීමටයි සැලසුම් කර ඇත්තේ.

ප්‍රවාහන අමාත්‍යාංශය ජාතික ගමනාගමන කොමිෂන් සභාව සහ ශ්‍රී ලංකා ගමනාගමන මණ්ඩලය එක්ව මෙම වැඩසටහන රට පුරා ව්‍යාප්ත කිරීමට ද සැලසුම් කර තිබෙනවා.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
5
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?