අල්ලස් කොමිසම මඟින් අත්අඩංගුවට ගැනුණු හානිපූර්ණ කාර්යාලයේ හිටපු වැඩබලන අධ්යක්ෂ ජනරාල් හා වත්මන් අධිකරණ හා ජාතික ඒකාබද්ධතා අමාත්යංශයේ අතිරේක ලේකම්වරියක වන සේපාලිකා සමන් කුමාරි ඇප මත මුදා හරින ලෙස කොළඹ මහෙස්ත්රාත් අධිකරණය නියම කළා.
අල්ලස් කොමිසමේ නිලධාරීන් සහ සැකකාරියගේ නීතිඥවරු ඉදිරිපත් කළ කරුණු සලකා බැලීමෙන් අනතුරුවයි කොළඹ ප්රධාන මහෙස්ත්රාත් අසංක එස් බෝදරගම මහතා මෙම නියෝගය නිකුත් කරනු ලැබුවේ.
ඒ, අනුව සැකකාරිය රුපියල් ලක්ෂ 10 බැගින් වූ ශරීර ඇප 02ක් මත මුදාහැරීමට නියෝග කළ මහෙස්ත්රාත්වරයා, සාක්ෂිකරුවන්ට බලපෑම් කිරීමෙන් වළකින ලෙසත් නියම කළා.
එමෙන්ම හානිපූර්ණ කාර්යාලය කටයුතුවලට සම්බන්ධ නොවන ලෙස සැකකාරියට නියෝග කළ මහෙස්ත්රාත්වරයා, සැකකාරිය හානිපූර්ණ කාර්යාලය කටයුතුවලට යෙදවීමට කටයුතු නොකරන ලෙස අමාත්යංශය ලේකම්ට නියම කර සිටියා.
සැකකාරිය දීර්ඝ කාලයක් රාජ්ය සේවයේ නිරත වීම සහ ඇය මෙම සිද්ධිය හරහා මූල්ය වාසියක් ලබානොගැනීම යනාදී කාරණා සුවිශේෂි කරුණු ලෙස සැලකිල්ලට ගනිමින් මෙම ඇප නියෝගය ප්රකාශයට පත් කරන බවත් මහේස්ත්රත්වරයා සඳහන් කළා.
අනතුරුව පැමිණිල්ල මෙම මස 14 වනදා යළි කැඳවීමටයි නියෝග කළේ.
හිටපු රාජ්ය අමාත්ය ශෂීන්ද්ර රාජපක්ෂට අයත් මහවැලි ඉඩමක ඉදිකර තිබූ ගොඩනැගිල්ලක් අරගලකරුවන් විසින් විනාශ කිරීමෙන් අනතුරුව ඊට වන්දි වශයෙන් රුපියල් 8,850,000ක මුදලක් ගෙවීම සඳහා කුමන්ත්රණය කිරීම හා ආධාර අනුබලදීම සම්බන්ධයෙන් මෙම සැකකාරිය අල්ලස් කොමිසම විසින් අද (08) අත්අඩංගුවට ගත්තා.
