අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය යටතේ පවතින විශ්වවිද්යාල සහ අධ්යයන ආයතන කිහිපයක වාර්ෂික වාර්තා සහ ගිණුම් වාර්තා අධ්යාපනය, ශ්රම බලකාය සහ මානව ප්රාග්ධනය පිළිබඳ ආංශික අධීක්ෂණ කාරක සභාවේ දී සළකා බලනු ලැබුවා.
ඒ, එම කාරක සභාව එහි සභාපති පාර්ලිමේන්තු මන්ත්රී හේෂා විතානගේ සභාපතිත්වයෙන් පසුගියදා (26) පාර්ලිමේන්තුවේදී රැස්වූ අවස්ථාවේදීයි.
ඒ අනුව මෙදින කාරක සභාවේදී 2022 සහ 2023 වසර සඳහා ශ්රී ලංකා සාගර විශ්වවිද්යාලයේ වාර්ෂික වාර්තා, 2022 සහ 2023 වසර සඳහා ශ්රී ලංකා උසස් තාක්ෂණ අධ්යාපන ආයතනයේ වාර්ෂික වාර්තා, 2022 සහ 2023 වසර සඳහා ශ්රී ලංකා විවෘත විශ්වවිද්යාලයේ වාර්ෂික වාර්තා, 2022 සහ 2023 වසර සඳහා සෞන්දර්ය කලා විශ්වවිද්යාලයේ වාර්ෂික වාර්තා සහ 2023 වසර සඳහා ශ්රී ලංකා විවෘත විශ්වවිද්යාලයේ ඉංග්රීසි පශ්චාත් උපාධි ආයතනයේ වාර්ෂික වාර්තාව සහ ගිණුම් වාර්තාව සළකා බලා අනුමත කර තිබුණා.
තවද, පාසල්වල සේවය කරන සංවර්ධන නිලධාරීන් ගුරු සේවයට බඳවා ගැනීම පිළිබඳව සහ විදුහල්පතිවරුන් බඳවා ගැනීම සම්බන්ධයෙන්ද කාරක සභාවේදී සාකච්ඡා කරනු ලැබුවා.
මේ අවස්ථාව සඳහා විපක්ෂ නායක සජිත් ප්රේමදාස, පාර්ලිමේන්තු මන්ත්රීවරුන් වන වී.එස්. රාධක්රිෂ්ණන්, රෝහිණි කුමාරි විජේරත්න, අබූබකර් අතම්බාවා, තුරෛරාසා රවිකරන්, සුනිල් රාජපක්ෂ යන පිරිස ඇතුළු නිලධාරීන් පිරිසක් ද සහභාගී වුණා.
