අද අපොස සා.පෙළ ඇරඹෙයි

අධ්‍යයන පොදු සහතික පත්‍ර සාමාන්‍ය පෙළ විභාගය අද (23) දිවයින පුරා මධ්‍යස්ථාන 3,844කදී ආරම්භ වේ.

මෙවර සාමාන්‍ය පෙළ විභාගයට පෙනී සිටීමට නියමිත සමස්ථ අයදුම්කරුවන් සංඛ්‍යාව 517,496 ක්.

ඉන් 407,129 ක් පාසල් අයදුම්කරුවන් වන අතර ඉතිරි 110,367 දෙනා පෞද්ගලික අයදුම්කරුවන්.

විශේෂ අවශ්‍යතා සහිත සිසුන් 590 දෙනෙකු මෙවර විභාගයට පෙනී සිටීමට නියමිත අතර ඔවුන් සඳහා ඊට අදාළ විභාග මධ්‍යස්ථාන වල විශේෂිත පහසුකම් සලසා ඇති බවයි විභාග කොමසාරිස් ජනරාල් එල් එම් ඩී ධර්මසේන සඳහන් කළේ.