අතුරුදන් වූ තැනැත්තන්ගේ පවුල් සඳහා රෙජිස්ටාර් ජනරාල්වරයා විසින් නිකුත් කරන දක්නට නොලැබීමේ සහතිකය පදනම් කරගනිමින් අතුරුදන් වූ තැනැත්තාගේ ළඟම ඥාතියාට ලබාදෙන මුදල රුපියල් ලක්ෂ දෙකක් දක්වා ඉහළ දමා තිබෙනවා.
ඒ සඳහා කැබිනට් මණ්ඩලයේ අනුමැතිය හිමි වූ බවයි අද (11) පැවති අමාත්යමණ්ඩල තීරණ දැනුම්දීමේ ප්රවෘත්ති සාකච්ඡාවට එක්වෙමින් කැබිනට් මාධ්ය ප්රකාශක අමාත්ය බන්දුල ගුණවර්ධන සඳහන් කළේ.
මීට පෙර කැබිනට් අනුමැතිය හිමිව තිබුනේ රුපියල් ලක්ෂයක මුදලක් ලබාදීමටයි.
රටේ පවතින ආර්ථික තත්ත්වය සැළකිල්ලට ගෙන මෙම මුදල ඉහළ දැමීමට තීරණය කළ බවයි අමාත්යවරයා එහිදී වැඩිදුරටත් සඳහන් කළේ.
