බණ්ඩාරගම, අටලුගම ප්‍රදේශයේ දී අතුරුදන් වූ නව හැවිරිදි ෆාතිමා අයීෂා දැරියගේ සිරුර, අසල වගුරු බිමක තිබී සොයා ගැනීමේ සිද්ධිය විමර්ශනය සඳහා අපරාධ පරීක්ෂණ දෙපාර්තමේතුව වෙත භාර දී තිබෙනවා.
පසුගිය 27 වනදා දහවල් අතුරුදන් වූ බවට තොරතුරු වාර්තා වූ අදාළ දැරියගේ සිරුර ඊයේ (28) පස්වරුවේ නිවසට ආසන්න වඟුරු බිමක තිබී සොයා ගැනුණා.
පොලිසීය සඳහන් කළේ දැරිය ඝාතනය කර මෙම ස්ථානයට සිරුර ගෙනවිත් දමා ඇති බවට සැක කෙරෙන බවයි.
සිද්ධිය සම්බන්ධයෙන් මේ වනවිටත් පුද්ගලයින් කිහිප දෙනෙකුගෙන්ම ප්‍රකාශ සටහන් කරගෙන තිබෙනවා.
