ශ්‍රී ලංකා පොලිස් දෙපාර්තමේන්තුවේ හිටපු පොලිස්පතිවරයෙකු වන වික්ටර් පෙරේරා අභාවප්‍රාප්ත වී තිබෙනවා.
මෙරට සිටි 30 වැනි පොලිස්පතිවරයා වන්නේ වික්ටර් මහතා යි.
හිටපු පොලිස්පතිවරයා අද පස්වරුවේ දී කොළඹ ජාතික රෝහලේ දී අභාවප්‍රාපත් වුණා.
මියයන විට 75 වන වියේ පසු වු ඒ මහතා සිව්දරු පියෙක්.
පානදුර – බණ්ඩාරනායක මාවත, වෑකඩ – අංක 14 නිවසේ පදිංචි ව සිටි ඒ මහතා මාස කිහිපයක සිට පොලිස් රෝහලේ සහ කොළඹ ජාතික රෝහලේ ප්‍රතිකාර ලබා තිබෙනවා.
කොළඹ විශ්වවිද්‍යාලයේ ආර්ථික විද්‍යාව පිළිබඳ විශේෂ උපාධියක් ලබා ඇති ඔහු කලා කටයුතුවලට ද විශේෂ දක්ෂතාවලින් හෙබි දක්ෂ ග්‍රන්ථ කතුවරයෙක්.
අවසන් කටයුතු පිළිබඳ පසුව දැනුම්දෙන බවයි පවුලේ ඥාතීන් පවසන්නේ.
