spot_img
AFC Banner
Empty Ad
Empty Ad

සත්‍ය සෙවීමේ කොමිසම ගැන වෘත්තිය සමිති සහ සිවිල් සංවිධාන දැනුවත් කරයි

ජනවාර්ගික ප්‍රශ්නයෙන් පීඩාවට පත් වූ සෑම ජන කොටසකටම සත්‍ය සෙවීමේ කොමිසම ස්ථාපිත කිරීමෙන් සත්‍ය සොයා යෑමට අවස්ථාව හිමි වන බව විදේශ ඇමති අලි සබ්‍රි පවසනවා.

සත්‍ය සෙවීමේ කොමිසම ස්වාධීන විය යුතු බවත් රජයේ වගකීම වන්නේ ඒ සඳහා පහසුකම් සැපයීම පමණක් බවත් පැවසූ අමාත්‍යවරයා සඳහන් කළේ පනත ස්ථාපිත කිරීමෙන් පසු කොමිසමට සම්පූර්ණයෙන් බලය පැවරෙන බවයි.

කොමිසමේ කටයුතු සාර්ථක කර ගැනීම අරමුණු කර ගනිමින් ජාත්‍යන්තර වශයෙන් දේශන මාලාවක් පැවැත්වීමට සැලසුම් කර තිබෙන බවත්, මේ වන විටත් කැබිනට් අනුමැතිය ලැබී තිබෙන අන්තර්කාලීන ලේකම් කාර්යාලය මගින් කොමිසමේ කටයුතු කඩිනමින් ආරම්භ කිරීමේ පදනම සකස් කිරීමට බලාපොරොත්තු වන බවත් ඔහු ප්‍රකාශ කළා.

විදේශ කටයුතු අමාත්‍යවරයා මෙම අදහස් පළ කළේ සත්‍ය සෙවීමේ කොමිසම පිළිබඳ වෘත්තිය සමිති සහ සිවිල් සංවිධාන දැනුවත් කිරීම සඳහා ජනාධිපති කාර්යාලයේ පැවති සාකච්ඡාවට එක්වෙමින්.

ජාත්‍යන්තරව පිළිගත් වගවීමේ ක්‍රියාවලියක අවශ්‍යතාව සහ එය ස්ථාපිත කිරීමේ රජයේ කැපවීම පැහැදිළි කළ අමාත්‍යවරයා සත්‍ය සෙවීමේ කොමිසම පිළිබඳ විශ්වාසය ගොඩ නැඟීමට අවශ්‍ය සියලු දේ සිදු කරන බව ද අවධාරණය කළා.

මෙහිදී අදහස් දැක් වූ ජනාධිපති වෘත්තීය සමිති අධ්‍යක්ෂ ජනරාල් සමන් රත්නප්‍රිය මහතා කියා සිටියේ දශක තුනක් පුරා මෙරට පැවති යුද්ධයෙන් ජාති බේදයකින් තොරව සියලු ජනතාවට විශාල පීඩනයකට මුහුණදිමට සිදු වු බවයි.

ඒ පිළිබඳ නිසි විමර්ෂනයක අවශ්‍යතාව රට තුළින් මෙන්ම ජාත්‍යන්තරවද මතු වූ බවත්, ඒ වෙනුවෙන් ස්ථාපිත කරන ලද විවිධ කොමිසන් සභා විසින් ඉදිරිපත් කරන ලද යෝජනා ක්‍රියාත්මක නොවූ බවට ද චෝදනා එල්ල වූ බවත් සමන් රත්නප්‍රිය මහතා සඳහන් කළා.

මේ පිළිබඳ නිසි අවධානය යොමු කෙරෙන, රටට ගැළපෙන යාන්ත්‍රණයක් සකස් කිරීම සඳහා දකුණු අප්‍රිකාව වැනි රටවල ක්‍රියාත්මක යාන්ත්‍රණයන් පිළිබඳ අධ්‍යයනය කරන බවයි ඔහු ප්‍රකාශ කළේ. කෙසේ වෙතත් මෙය සාර්ථක කර ගත නොහැකි වුවහොත් නැවත රට අසීරු තත්ත්වයකට පත් වනු ඇති බැවින් සමාජය දැනුවත් කරමින් එය ක්‍රියාත්මක කිරීමට සහාය ලබා ගත යුතු බවද ඔහු පෙන්වා දෙනවා.

ජාතීන් තුනක් වෙසෙන සිංගප්පූරුව නිදහස ලබා වසර 20ක් ගත වෙද්දී සංවර්ධිත රටක් බවට පත් වූයේ සංහිඳියාව තුළින් බවයි සත්‍ය හා සංහිඳියා කොමිසමේ අධ්‍යක්ෂ ජෙනරාල් අසංග ගුනවංස මහතා මෙහිදී අදහස් දක්වමින් කියාසිටියේ.

ශ්‍රී ලංකාවට සංවර්ධන අරමුණු ජය ගැනීමට අවශ්‍ය නම් අනිවාර්යයෙන්ම සංහිඳියාව අත්‍යවශ්‍ය බවත් මෙම කොමිසම ස්ථාපිත කිරීම තුළින් සංහිඳියා අරමුණු ඉටුකර ගත හැකි බවත් ඔහු පෙන්වා දෙනු ලැබුවා.

දේශීය වශයෙන් සාර්ථක මෙන්ම ජාත්‍යන්තරය පිළිගත් යාන්ත්‍රණයක් සැකසීමට දායකත්වය ලබා දීමට අවශ්‍ය යටිතල පහසුකම් සැපයීම සඳහා අන්තර්කාලීන ලේකම් කාර්යාලය ස්ථාපිත කර ඇති බවත් එය නීති සහ ප්‍රතිපත්ති අංශය, මහජන සම්බන්ධතා අංශය සහ තොරතුරු තාක්ෂණ අංශය යන අංශ තුනකින් සමන්විත වන බවයි අසංග ගුනවංස මහතා සඳහන් කළේ.

පසුගිය මැතිවරණයේදී ආගම්වාදය හා ජාතිවාදය විශාල ලෙස මතු කළ බැවින් ජනතාවට එම අත්දැකීම අමතක වීමට පෙර මෙම ක්‍රියාවලිය ස්ථාපිත කරන ලෙස ඉල්ලා සිටින බව මෙහිදී අදහස් දැක්වූ දඹර අමිල හිමියන් කියාසිටියා.

වෘත්තිය සමිති සහ සිවිල් සංවිධාන නියෝජිතයින් රැසක් මේ අවස්ථාව සඳහා සහභාගී වුණා.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
ඡන්ද ප්‍රචාරක වැඩ අස්සේ ජනපති කරන මගඩි වැඩ ගැන හෙළිදරව්වක්...
02:42
Video thumbnail
අදනම් චිකාගෝවකි මා වෙසෙන රට... ආවා..තිබ්බා..ගියා..
05:48
Video thumbnail
රත්නපුර නගරය අවට තද සුළං සහ මහ වැසි...#rathnapura #1million #shorts
00:19
Video thumbnail
අනුරාධපුරය හෙල්ලූ භූමිකම්පාවේ ඔබ නොදත් තතු මෙන්න...
03:10
Video thumbnail
Club වසන්තගේ ඝාතකයින් රටින් පැන්නාද? #Clubwasantha #වසන්ත
03:50
Video thumbnail
Dasatha “පිටුවෙන් පිටුව” – LIVE | 2024-07-17
01:05:25
Video thumbnail
ජනපති අපේක්ෂකයන්ගේ ආරක්ෂාවට වෙන්න යන දේ ? #ranilwickremesinghe
01:49
Video thumbnail
වත්මන් දේශපාලන තත්ත්වය ගැන උණුසුම් කතා - "මැතිවරණ කොමිසම පිළිබඳවත් දෙගිඩියාවක් තියෙනවා"
02:55
Video thumbnail
දසත සවස 6.25 ප්‍රධාන ප්‍රවෘත්ති ප්‍රකාශය - DASATHA NEWS 6.25 PM LIVE | 2024-07-17 | Dasatha News
38:30
Video thumbnail
දේශපාලන වේදිකාවෙන් ලොකු කතාවක්..."මැතිවරණය ගැන දැනගන්නහැමෝම ඇඟිලි ගැනපු 17 අදයි"
05:33

?