ශ්‍රී ලංකා නිදහස් පක්ෂයේ විධායක සභාව සහ සමස්ත ලංකා කාරක සභාව අද (15) රැස්වීමට නියමිතව තිබෙනවා.
එම පක්ෂයේ මූලස්ථානයේ දී මෙම රැස්වීම පැවැත්වීමට නියමිත බවයි වාර්තා වුණේ.
එම පක්ෂයේ කාරක සභාවට දිවයින පුරා සිටින කාරක සභා නියෝජිතයින් 300කට අධික පිරිසක් සහභාගී වීමට නියමිතයි.
අද රැස්වෙන විධායක සභාවේ දී තනතුරු කිහිපයක් සම්මත කර ගැනීමට නියමිත බව එම පක්ෂයේ සභාපති හිටපු ජනාධිපති මෛත්‍රීපාල සිරිසේන සඳහන් කළා.
මේ අතර ශ්‍රී ලංකා නිදහස් පක්ෂයේ මධ්‍යම කාරක සභාව ඊයේ (14) රැස් වුණා.
මේ සඳහා දැනට එම පක්ෂයෙන් ඉවත්ව ආණ්ඩුවේ ඇමතිවරුන් ලෙස කටයුතු කරන පිරිස ද ඒ සඳහා සහභාගීව සිටියා.
