පසුගිය සැප්තැම්බර් මාසයේ මෙරට සංචාරයකට පැමිණි විදෙස් ජාතික තරුණියකට මුහුණදීමට සිදුවූ අනපේක්ෂිත සිදුවීමක් පිළිබඳව සංචාරක පොලිස් කොට්ඨාසය වෙත පෙරේදා දිනයේ විද්යුත් තැපෑල ඔස්සේ ඇය විසින් පැමිණිල්ලක් සිදුකර තිබෙනවා.
පැමිණිල්ල සිදුකළ විදෙස් ජාතික තරුණිය පවසා ඇත්තේ පසුගිය ඔක්තෝම්බර් මාස 25 වනදා සංචාරයේ යෙදෙමින් සිටිය දී තමන් අසළට පැමිණි තරුණයෙක් අසැබි ක්රියාවක නිරත වූ බවයි.
ඇය විසින් මෙම සිදුවීමට අදාළ වීඩියෝ දර්ශනයක් ද සමාජ මාධ්ය වෙත මුදාහැර තිබුණා.
එහි දැක්වෙන්නේ අදාළ තරුණිය අසළට පැමිණි පුද්ගලයෙක් විසින් ඇයට සිය රහසඟ පෙන්වන ආකාරයයි.
ආරුගම්බේ ප්රදේශයේ දී අදාළ විදෙස් ජාතික තරුණිය මෙම අනපේක්ෂිත සිදුවීමට මුහුණ පා ඇති බවයි අනාවරණය වී ඇත්තේ.
මේ අතර සිද්ධියට සම්බන්ධ සැකකරු මේ වනවිට හඳුනාගෙන ඇති බවයි පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් සඳහන් කළේ.
සැකකරු කඩිනමින් අත්අඩංගුවට ගෙන අදාළ නීතිමය කටයුතු සිදුකරන බවයි පොලිස් මාධ්ය ප්රකාශකවරයා වැඩිදුරටත් පැවසුවේ.
wpDiscuz
