වර්තමාණය තුල මෙරට සිදුවන ජාවාරම් පිලිබද වාර්තාවීම් වැඩිවීමක් දක්නට ලැබෙනවා. එවන් පසුබිමක් තුල ජාවාරම් කිරීමේ අරමුණින් නීතිවිරෝධී ලෙස සීමාව ඉක්මවා රන් ආභරණ රැගෙන විදේශගතව සිට මෙරටට පැමිණෙන පුද්ගලයින්ට එරෙහිව නීතිය ක්‍රියාත්මක කිරීමට කඩිනමින් කටයුතු කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.
මෙලෙස නීතිවිරෝධී ලෙස රත්‍රං මෙරටට ගෙන ඒම හේතුවෙන් මසකට ඩොලර් මිලියන 30ක පමණ පාඩුවක් රටට සිදුවන බවද ඔහු පැවසීය.
මෙම ජාවාරම්කරුවන් දැනටමත් හඳුනාගෙන ඇති බවයි එතුමා පැවසුවේ.
එමෙන්ම ඔවුන්ට එරෙහිව අවශ්‍ය නීතිමය පියවර කඩිනමින් ගන්නා බවත් අමාත්‍යවරයා පැවසීය. කෙසේ වෙතත්, මේ හේතුවෙන් සාමාන්‍ය මගීන්ට කිසිදු බලපෑමක් සිදු නොවන බවද අමාත්‍යවරයා පැවැසීය.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
2
