වත්කම් සහ බැරකම් ප්‍රකාශ ඉදිරිපත් කිරීමට ලබා දී තිබූ කාලය අදින් අවසන්

වත්කම් සහ බැරකම් ප්‍රකාශ ඉදිරිපත් කිරීමට ලබා දී තිබූ කාලය අද දිනයෙන් (30) අවසන් වනවා.

ඒ, අනුව තවමත් වත්කම් සහ බැරකම් ප්‍රකාශ ඉදිරිපත් කිරීමට නොහැකි වූ රාජ්‍ය නිලධාරීන්ට අද (30) මධ්‍යම රාත්‍රිය දක්වා ඒ සදහා අවස්ථාව පවතින බවයි අල්ලස් හෝ දූෂණ චෝදනා විමර්ශන කොමිෂන් සභාව පවසන්නේ.

අද (30) දිනයෙන් පසු වත්කම් බැරකම් ප්‍රකාශ ඉදිරිපත් කර නොමැති සියලුදෙනා හට දඩ අයකිරීමක් සිදුකරන බවයි අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් රංග දිසානායක සඳහන් කළේ.

ඇතැම් විට එම දඩ මුදලා දරාගත නොහැකි විශාල දඩ මුදලක් විය හැකි බවයි අධ්‍යක්ෂ ජනරාල්වරයා මීට පෙර සඳහන් කර සිටියේ.

2023 අංක 9 දරණ දූෂණ විරෝධී පනතේ ප්‍රතිපාදනවලට අනුව වත්කම් සහ බැරකම් ප්‍රකාශ ඉදිරිපත් කිරීමට නියමිත සියලු නිලධාරීන් මාර්ග ගත ක්‍රමය ඔස්සේ සිය වත්කම් බැරකම් ප්‍රකාශ ඉදිරිපත් කළ යුතු වනවා.