වසර 03යි මස 05යි දින 06ක දීර්ඝ විරාමයකට පසුව නිරෝෂන් දික්වැල්ල යළිත් ශ්රී ලංකා ටෙස්ට් සංචිතයට කැඳවීම සම්බන්ධයෙන් මෙරට ක්රිකට් ක්ෂේත්රයේ දැඩි කතාබහක් මතුව තිබෙනවා.
එම උණුසුම් මාතෘකාව සම්බන්ධයෙන් අදහස් දක්වන්නට මේ වනවිට ඕස්ට්රේලියාවේ දිවිගෙවන ශ්රී ලංකා හිටපු ටෙස්ට් නායක දිමුත් කරුණාරත්න ද එක්ව ඇති ආකාරය සමාජ මාධ්ය ඔස්සේ දැකගත වුණා.
දිමුත් සිය නිල ෆේස්බුක් ගිණුමේ සටහනක් තබමින් පවසන්නේ, නිරෝෂන් දික්වැල්ල යළි ටෙස්ට් සංචිතයට කැඳවීමට
තේරීම් කමිටුව තීරණය කර ඇත්තේ ඔහුගේ කඩුලු රැකීමේ හැකියාව සහ ටෙස්ට් තරග රටාව තුළ ඇති අත්දැකීම් බහුලත්වය සලකා බලමින් විය හැකි බවයි.
කෙසේ වෙතත් වර්තමානයේ දක්ෂතා සම්බන්ධයෙන් සලකා බැලීමේ දී නිරෝෂන් දික්වැල්ලට වඩා යොවුන් ක්රීඩක අංජල බණ්ඩාර සහ සධීර සමරවික්රම පිතිකරණය අශයෙන් ඉදිරියෙන් සිටින බවයි දිමුත් පවසන්නේ.
කෙසේ වෙතත් හෙට ආරම්භ වන ටෙස්ට් තරගයත් සමඟ, මෙම තරගාවලිය නිරෝෂන් දික්වැල්ලට තමන්ගේ දක්ෂතා නැවතත් තහවුරු කිරීමට ලැබෙන අතිශය තීරණාත්මක අවස්ථාවක් බවයි වැඩිදුරටත් දිමුත් සඳහන් කර ඇත්තේ.
මෙම තරගාවලිය ඔහුගේ ටෙස්ට් ක්රිකට් අනාගතයට කොතරම් වැදගත් විය හැකිදැයි ඔහු දන්නා බව තමාට විශ්වාස බවත් දිමුත් සිය ෆේස්බුක් සටහනේ දක්වා තිබෙනවා.
මේ අතර තමන් නායකත්වට දරණ සමයේ හිටපු කණ්ඩායම් සගයාට ඉදිරි තරගාවලිය සඳහා සුබපැතුම් එක් කිරීමට ද දිමුත් කරුණාරත්න මෙහිදී කටයුතු කර තිබුණා.
