spot_img
AFC Banner
Empty Ad
Empty Ad

මන්නාරම සහ පුනරීන්හි සුර්ය, සුළං විදුලි ව්‍යාපෘති 2025 ජනවාරි වන විට නිමකිරීමට සැලසුම්

ජනාධිපති රනිල් වික්‍රමසිංහගේ ප්‍රධානත්වයෙන් නව දිල්ලි නුවර පැවති ද්වී පාර්ශ්වික සාකච්ඡාවලදී විදුලිබල සහ බලශක්ති ක්ෂේත්‍රයන්වල සහයෝගීතාව වර්ධන සහ ආයෝජන ව්‍යාපෘති පිළිබඳව සාකච්ඡාවට ලක්වූ බව බලශක්ති අමාත්‍ය කංචන විජේසේකර පවසනවා.

පුනර්ජනනීය බලශක්ති සහයෝගීතා ව්‍යාපෘති සංවර්ධනය, ත්‍රිකුණාමලය බලශක්ති කේන්ද්‍රස්ථානයක් ලෙස සංවර්ධනය කිරීම පිළිබඳව අවබෝධතා ගිවිසුම් ඇති කර ගැනීම සහ සාම්පුර් ප්‍රදේශයේ ලංකා විදුලි බල මණ්ඩලය සහ ඉන්දියානු රජයේ NTPC ආයතනය මගින් ඒකාබද්ධව ඉදි කරන සූර්ය බලශක්ති ව්‍යපෘතිය වෙනුවෙන් අවශ්‍ය බලශක්ති අවසරපත් නිකුත් කිරීම මෙම සංචාරයේදී සිදු වූ බවයි අමාත්‍යවරයා සඳහන් කළේ.

අදානි සමුහ ව්‍යාපාරයේ හිමිකරු වන ගෞතම් අදානි මහතා සමග සිදුකල සාකච්ඡාවේදී මන්නාරම සහ පුනරීන් හි ක්‍රියාත්මක කරන මෙගා වොට් 500ක සුර්ය සහ සුළං විදුලිබල උත්පාදන ව්‍යාපෘතිය 2025 වසරේ ජනවාරි මස වන විට නිමකිරීමට අවශ්‍ය කටයුතු කරන බවට ද ප්‍රකාශ වී තිබෙනවා.

එමෙන්ම මෙම සංචාරයේදී ඉන්දු-ලංකා විදුලි බල පද්ධතිය ඒකාබද්ධ කිරීමේ වැඩසටහන, හරිත හයිඩ්‍රජන් වැඩසටහන්, දෙරට අතර ඉන්ධන නල මාර්ගයක් ඉදි කිරීමේ ව්‍යාපෘතිය සහ විදුලිබල සහ බලශක්ති ක්ෂේත්‍රයන්වල ආයෝජන සම්බන්ධයෙන් සාකච්ඡාවට ගත් බවයි අමාත්‍යවරයා ප්‍රකාශ කළේ.

ඉන්දීය අග්‍රාමාත්‍ය නරේන්ද්‍ර මෝදි, ඉන්දීය ජනාධිපතිතුමිය, ඉන්දිය රජයේ ජේෂ්ඨ අමාත්‍යවරුන්, රාජ්‍ය නිලධාරීන් සහ ආයෝජකයන් සමග සාකච්ඡා පවත්වා තිබෙනවා.

ඔබේ ප්‍රතිචාරය කුමක්ද ?
+1
1
+1
1
+1
0
+1
0
+1
1
+1
0
+1
1
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?