නිරිතදිග බෙංගාල බොක්ක මුහුදු ප්රදේශයේ දී අඩු පීඩන කලාපය තවදුරටත් පවතින බව කාලගුණ විද්යා දෙපාර්තමේන්තුව නිවේදනය කරනවා.
ඉදිරි පැය 24ක කාලය තුළ බටහිරට බරව වයඹ දෙසට ගමන් කරමින් ශ්රී ලංකාවේ උතුරු වෙරළ ආසන්නයේ දී තමිල්නාඩු වෙරළ වෙත ළඟාවීමට බොහෝ දුරට ඉඩකඩ ඇති බවයි කාලගුණ නිවේදනයේ දැක්වෙන්නේ.
උතුරු, උතුරු මැද, නැගෙනහිර, වයඹ සහ බස්නාහිර පළාත්වල විටින් විට වැසි හෝ ගිගුරුම් සහිත වැසි ඇති විය හැකි බව ද කාලගුණ නිවේදනයේ සඳහන්.
එමෙන්ම උතුරු පළාතේ ඇතැම් ස්ථානවලට මිලිමීටර් 75ට පමණ තරමක් තද වැසි ද ඇතිවිය හැකියි.
සෙසු ප්රදේශවල සවස් කාලයේ හෝ රාත්රී කාලයේ තැනින් තැන වැසි හෝ ගිගුරුම් සහිත වැසි ඇතිවිය හැකි බවත් මධ්යම, සබරගමුව, දකුණ සහ ඌව පළාත්වල උදෑසන කාලයේ දී මීදුම් සහිත තත්ත්වයක් පැවතිය හැකි බවත් නිවේදනයේ දැක්වෙනවා.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කරගැනීමට අවශ්ය පියවර ගන්නා ලෙසත් කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
T