spot_img
AFC Banner
Empty Ad
Empty Ad

බිරිඳ පවුලේ අය සමඟ එක්ව සැමියාට පෙට්‍රල් වත්කර පණපිටින් පුළුස්සලා

තම සැමියාට පෙට්‍රල් වත්කර පණපිටින් පුළුස්සා දැමීමට තැත් කළ කාන්තාවකට සහ ඇගේ පවුලේ සාමාජිකයන්ට ඉන්දියාවේ අග්‍රා පොලිසිය විසින් නඩු පවරා ඇති බව එරට මාධ්‍ය වාර්තා කරනවා.

අදාළ පුද්ගලයා සිය බිරිඳව කැඳවාගෙන යාමට සිය මාමණ්ඩියගේ නිවසට ගිය අවස්ථාවේ මෙම සිද්ධියට මුහුණ පා ඇති බවයි වාර්තා වන්නේ.

එහිදී බරපතළ පිළිස්සුම් තුවාල ලැබූ මෙම පුද්ගලයා වැඩිදුර ප්‍රතිකාර සඳහා දිල්ලි හි සෆ්දර්ජුන් රෝහලට ඇතුළත්කර සිටිය දී ඊයේ (23) පස්වරුවේ මිය ගොස් ඇති බවයි ඉන්දීය මාධ්‍ය වැඩිදුරටත් තොරතුරු වාර්තා කළේ.

මෙලෙස ඝාතනයට ලක් වූ පුද්ගලයාගේ සොහොයුරා පවසන්නේ, තම සහෝදරයා වන ධර්මේන්ද්‍රන්ගේ බිරිඳ සහ පවුලේ අය එක්ව කුමන්ත්‍රණයක් දියත් කර ඔහුව පණ පිටින් පුළුස්සා දමා ඝාතනය කළ බවයි.

මොවුන් දෙදෙනා 2019 නොවැම්බර් මාසයේ දී විවාහ දිවියට පිවිස ඇති අතර, ඔවුන්ගේ පවුල් ජීවිතය එතරම් සාර්ථක එකක් නොවන බවටයි අනාවරණය වී ඇත්තේ.

ඝාතනයට ලක් වූ මෙම පුද්ගලයාගේ බිරිඳ විවාහයෙන් පසු වැඩි කාලයක් ඇයගේ දෙමාපියන්ගේ නිවසේ ගතකර ඇති බවට ද තොරතුරු වාර්තා වනවා.

එම කාන්තාව මීට මාස තුනකට පෙර ඇගේ දෙමව්පියන්ගේ නිවසට ගොස් එහි රැඳී සිට ඇති අතර, ඇයව යළි කැඳවාගෙන යාමට ගිය අවස්ථාවේ දීයි ස්වාමිපුරුෂයා මෙම අවාසනාවන්ත සිදුවීමට මුහුණ පා ඇත්තේ.

ඔබේ ප්‍රතිචාරය කුමක්ද ?
+1
3
+1
10
+1
2
+1
8
+1
20
+1
8
+1
10
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?