හිසෙහි බරපතළ තුවාලයක් සහිතව ගෙවත්තකට පැමිණ සිටි තිත් මුවකු තම භාරයට ගෙන කඩිනමින් ප්රතිකාර සඳහා යොමු කිරීමට ගල්කිරියාගම වනසත්ව අඩවි ආරක්ෂක කාර්යාලයේ නිලධාරීන් ඊයේ පියවර ගෙන තිබෙනවා.
දුරුතු පොහොය යෙදී තිබූ ඊයේ දිනයේ ගල්කිරියාගම දික්වැන්නාගම ප්රදේශයේ ගෙවත්තකට පැමිණ සිටියදී යි එම තිත්මුවා වනජීවී නිලධාරීන් විසින් අල්ලා ගෙන තිබුණේ.
ඒ එම නිවැසියන් විසින් ගල්කිරියාගම වනසත්ව අඩවි කාර්යාලයට කර තිබූ දැනුම්දීමකට අනුවයි.
මෙලෙස තුවාල ලබා සිටි තිත් මුවා වයස අවුරුදු තුනහමාරක් පමණ වන බවයි වනජීවී නිලධාරීන් පවසන්නේ.
එම තිත් මුවාගේ හිසෙහි කල්ගිය බරපතල තුවාලයක් තිබී ඇති අතර එය මීට කාලයකට පෙර සිදුව ඇති එකක් බවට වනජීවි නිලධාරීන් අනුමාන කරනවා.
තුවාලය හේතුවෙන් රෝගාතුරව සිටි එම තිත් මුවාගේ දිවි බේරා ගැනීම සදහා කඩිනම් ප්රතිකාර අවශ්යව තිබූ අතර එම තිත් මුවා අල්ලා ගැනීමෙන් පසු පශු වෛද්ය ප්රතිකාර සදහා කඩිනමින් ගිරිතලේ වනජීවි පශු වෛද්ය ඒකකය වෙත රැගෙන ගොස් භාරදීමටයි ගල්කිරියාගම වනජීවී නිලධාරීන් පියවර ගෙන ඇත්තේ.
