නිවසක දෙවියන්ට දැල්වූ පහනට පොල්තෙල් වෙනුවට පෙට්‍රල් වැරදීමකින් දැමීම හේතුවෙන් එම මුළු නිවසම ගිනිබත් වී තිබෙනවා.
මෙම සිදුවීම වාර්තා වන්නේ,වව්නියාව – බණ්ඩාරිකුලම් ප්‍රදේශයේ පිහිටි නිවසකයි.
ගෙහිමියා දෙවියන්ට පහන පත්තු කර ඇති අතර අසල තබා තිබූ බෝතලයකින් ගෙන වත්කර ඇත්තේ පෙට්‍රල් බවයි වාර්තාකරු පැවසුවේ.
ඒ සමගම අසල තිබූ ඉන්ධන තොගයට ද ගිනි ඇවිළී ගොස් තිබෙනවා.
සිදු කළ පරීක්ෂණවල දී අනාවරණය වී ඇත්තේ, මැදපෙරදිග යුද්ධය හේතුවෙන් දිවයිනේ ඉන්ධන හිඟයක් ඇති වේවි යැයි සැක සිතා ගෙහිමියා විසින් ඉන්ධන ගබඩා කර තබා ඇති බවත්, එම සියල්ලම දෙවියන්ට පහන දල්වන ස්ථානයේ තබා ඇති බවයි.
ගින්න මැඩපැවැත්වීමට ප්‍රදේශවාසීන් කෙතරම් උත්සාහ ගැනුණ ද, එය අසාර්ථක වී තිබෙනවා.
මුළු දේපොළ සියල්ලම විනාශ වී ඇති අතර වව්නියාව මහ නගර සභාවේ ගිනි නිවන ඒකකය මැදිහත් වීමෙන් ගින්න නිවා දැමූ බවයි දසත ප්‍රාදේශීය වාර්තාකරු පැවසුවේ.
සිද්ධිය සම්බන්ධයෙන් විමර්ශන ක්‍රියාත්මකයි.
wpDiscuz
