තාක්ෂණවේදී ජාතික අධ්‍යාපන විද්‍යාපීඨයට අයදුම්පත් යොමු කිරීමේ කාලය දීර්ඝ කෙරේ

සිව් අවුරුදු පූර්ව සේවා අධ්‍යාපනවේදී (ඉංග්‍රීසි මාධ්‍ය) උපාධි පාඨමාලාවක් හැදෑරීම සඳහා 2024 වර්ෂයට අදාළ අ.පො.ස. උසස් පෙළ ප්‍රතිඵල මත ශික්ෂණලාභීන් 210 ක් කුලියාපිටිය, තාක්ෂණවේදී ජාතික අධ්‍යාපන විද්‍යාපීඨයට ඇතුළත් කර ගැනීමේ ගැසට් නිවේදනය නිකුත් කර තිබෙනවා.

උක්ත බඳවා ගැනීමට අදාළ ගැසට් නි‍වේදනය 2026.02.22 දිනැති අංක 2489 දරන ගැසට් පත්‍රයේ පළ කර තිබුණා.

කෙසේ වෙතත් එහි අයදුම්පත් යොමු කිරීමේ අවසන් දිනය 2026.06.10 දින සිට 2026.06.17 දින දක්වා දීර්ඝ කරන කර තිබෙනවා.

ඒ අනුව, පහත සඳහන් සබැඳිය ඔස්සේ මාර්ගගත වැඩසටහනට පිවිස අදාළ පියවර අනුගමනය කරමින් ඔබගේ අයදුම් කිරීම 2026.06.17 දින දක්වා සිදු කළ හැකි බව නිවේදනය කර තිබෙනවා.