“මූන් ස්නයිපර්” ලෙස නම් කර ඇති තම අභ්‍යවකාශ යානය සඳ මත ගොඩ බස්වා ඇති බව ජපානයේ අභ්‍යවකාශ ඒජන්සිය පවසනවා.
ජපානයේ අභ්‍යවකාශ ඒජන්සියක් වන ජැක්සා වෙතින් එහි ගොඩබෑමට සහ ආරක්ෂිත බව මෙතෙක් තහවුරු කර නොමැති බවයි විදෙස් මාධ්‍ය සඳහන් කළේ.
මෙම මෙහෙයුම සාර්ථක වුවහොත්, එක්සත් ජනපදය, පැරණි සෝවියට් සංගමය, චීනය සහ ඉන්දියාවට පසුව සඳ මත පතිත වූ පස්වන රට ජපානය බවට පත් වනු ඇති.
ජපන් අභ්‍යවකාශ යානය ෂියෝලි ආවාටය අසල ස්ථානයක සිට මීටර් 100 (අඩි 328) ක් ඇතුළත ගොඩබැස්සවීමට ඉලක්ක කර තිබුණා.
පසුගිය වසරේ ඉන්දියාව සඳෙහි දක්ෂිණ ධ්‍රැවයට අභ්‍යවකාශ යානයක් සාර්ථකව ගොඩ බැස්වීමත් සමඟ ඉතිහාසගත වුණා.
