පොන්නවේලි සිමෙන්ති කම්හල විවෘත කිරීමට ගිය අමාත්‍ය ඩග්ලස් දේවානන්දව ජනතා විරෝධයෙන් ආපසු හරවා යැවීය. මෙම සිදුවීම අද සිදුවී ඇත.
පොන්නාවේලි සිමෙන්ති කම්හල විවෘත කිරීමට ගිය අමාත්‍ය ඩග්ලස් දේවානන්දව ජනතාව විසින් විරෝධය පළකර ආපසු හරවා යවා තිබෙනවා.
සිමෙන්ති නිෂ්පාදනය සදහා කිලිනොච්චිය – පූනගරි ප්‍රාදේශීය ලේකම් කොට්ඨාශයට අයත් පොන්නාවේලි ප්‍රදේශයෙන් හුණුගල් ලබාගැනීමට එරෙහිව දිගින් දිගටම විරෝධතා පැවැත්වෙනවා.
මෙම තත්ත්වය තුළ අද (05) දිනයේද එම කර්මාන්ත ශාලාව ආරම්භ කිරීමට පියවර ගැනීම සම්බන්ධයෙන් ජනතාව විරෝධය පළ කර ඇති බවයි අප වාර්තාකරු සදහන් කළේ.
මෙහිදී අමාත්‍ය ඩග්ලස් දේවානන්ද සහ විරෝධතාකරුවන් අතර උණුසුම් වචන හුවමාරුවක් ඇති වූ බව ද පොලිසිය ප්‍රකාශ කළා.
කෙසේ වෙතත්, මෙම මහජන විරෝධතාවය හේතුවෙන් අදාළ උත්සවය අවලංගු කර අමාත්‍යවරයා ආපසු පැමිණීමට කටයුතු කළා.
