අලුතින් ඉදිකරන ලද නව පස්මහල් කොළඹ වරාය සෞඛ්ය කාර්යාලය (Port Health Office) සෞඛ්ය හා ජනමාධ්ය අමාත්ය වෛද්ය නලින්ද ජයතිස්සගේ ප්රධානත්වයෙන් ඊයේ (28) විවෘත කෙරුණා.
කොළඹ වරායේ සෞඛ්ය පරීක්ෂණ, රෝග නිරීක්ෂණ, නීරෝධායන කටයුතු සහ මහජන සෞඛ්ය හදිසි අවස්ථාවන්හිදී ප්රතිචාර දැක්වීමේ ධාරිතාව තවදුරටත් ශක්තිමත් කිරීම සඳහා මෙම නව කාර්යාල සංකීර්ණය ඉදිකර තිබෙනවා.
ජාත්යන්තර නෞකා පරීක්ෂා කිරීම, Free Pratique අවසරපත් සහ Ship Sanitation Certificates නිකුත් කිරීම, රෝග නිරීක්ෂණ හා වාහක පාලන (Vector Control) වැඩසටහන් ක්රියාත්මක කිරීම මෙන්ම මහජන සෞඛ්ය හදිසි අවස්ථාවන්හි සම්බන්ධීකරණ කටයුතු සිදු කිරීම ද මෙම කාර්යාලයේ ප්රධාන කාර්යභාරයන් අතරට අයත්.
මෙම නව වරාය සෞඛ්ය කාර්යාලය ජපාන රජයේ මූල්ය අනුග්රහය යටතේ, සංක්රමණය සඳහා වන ජාත්යන්තර සංවිධානය (IOM) විසින් ක්රියාත්මක කරන ලද “නිරිතදිග ආසියාවේ බෝවන රෝග සඳහා ප්රතිචාර දැක්වීම සඳහා වූ දේශසීමා පාලන ධාරිතාව ශක්තිමත් කිරීමේ ව්යාපෘතිය” යටතේ ඉදිකර ඇති අතර, එය ශ්රී ලංකා මුදලින් රුපියල් මිලියන 168 කට අධික වටිනාකමකින් යුත් ආයෝජනයක්.
