මේ වන විට එල්නිනෝ තත්ත්වය පවතින්නේ දුර්වල මට්ටමක බව කාලගුණවිද්යා දෙපාර්තමේන්තුවේ අනාවැකි අංශයෙහි අධ්යක්ෂ අජිත් විජේමාන්න පවසනවා.
දුර්වල මට්ටම පවතින මෙම එල්නිනෝ තත්ත්වය එළඹෙන පෙබරවාරි මාසයේ පමණ වනවිට අති ප්රබල තත්ත්වයකට යෑමේ හැකියාව 60%කට වඩා අවදි බව පුරෝකථනය කරන බවයි ඔහු සඳහන් කළේ.
ඔහු වැඩිදුරටත් සඳහන් කර සිටියේ මෙම තත්ත්වයේ බලපෑම හේතුවෙන් ජූලි, අගෝස්තු සහ සැප්තැම්බර් මාසවලදී වර්ෂාපතනයෙහි අඩුවීමක් අපේක්ෂා කළ හැකි බවයි.
කෙසේ වෙතත්, ඉදිරි කාලයේ දී පැසිපික් සාගරයේ ටයිෆූන් වැනි සුළි කුණාටු හටගතහොත් මෙම තත්ත්වය වෙනස් වී, නිරිතදිග මෝසම තරමක් සක්රීය වීමෙන් වැසි ලැබීමට ඉඩකඩක් පවතින බව ද ඔහු කියා සිටියා.
මේ අතර ශ්රී ලංකාවට බලපා ඇති එල්නිනෝ දේශගුණික තත්ත්වය හේතුවෙන් ඉදිරි ඔක්තෝබර් සහ නොවැම්බර් මාසවලදී දිවයිනේ ඇතැම් ස්ථානවලට වර්ෂාවෙහි වැඩි වීමක් අපේක්ෂා කරන අතර, ඒ සමඟ ගංවතුර තත්ත්වයක් පවා ඇති විය හැකි බවට පුරෝකථනය කර ඇති බවයි අධ්යක්ෂ අජිත් විජේමාන්න පැවසුවේ.
wpDiscuz
