උ.පෙළට පෙනී සිටින විභාග අපේක්ෂකයින්ට අමතර විනාඩි 10ක් – ප්‍රවාහනයටත් විශේෂ සැලැස්මක්

හෙට (22) ඇරඹෙන උසස් පෙළ විභාගයට පෙනී සිටින විභාග අපේක්ෂකයින්ට ප්‍රශ්න පත්‍රවලට උත්තර සැපයීමට නියමිත කාලයට අමතරව තවත් විනාඩි 10ක කාලයක් ලබාදීමට තීරණය කර තිබෙනවා.

රචනා ප්‍රශ්න පත්‍රය ලබා දී නියමිත පැය 03ක කාලය අවසන් වූ පසුව එම අමතර විනාඩි 10ක කාලය සිසුන්ට ලබාදීමට තීරණය කර ඇති බවයි විභාග කොමසාරිස් ජනරාල්වරයා සඳහන් කළේ.

මේ අතර විභාගයට පෙනී සිටින විභාග අපේක්ෂකයින්ට ප්‍රවාහන පහසුකම් සැලසීම සඳහා ලංකා ගමනාගමන මණ්ඩලය සහ දුම්රිය දෙපාර්තමේන්තුව විසින් ඒකාබද්ධ ප්‍රවාහන සැලැස්මක් ක්‍රියාත්මක කිරීමට නියමිත බව වාර්තා වනවා.

ඒ සම්බන්ධයෙන් වන දැනුවත් කිරීමේ විශේෂ ප්‍රවෘත්ති සකච්ඡාවක් අද (21) පෙරවරුවේ රජයේ ප්‍රවෘත්ති දෙපාර්තමේන්තුවේ දී පැවැත් වුණා.

එහිදී සඳහන් කළේ සිසුසැරිය බස් රථ 1,617ම විභාගය පැවැත්වෙන දිනවල ධාවනය කිරීමට සැලසුම් කර ඇති බවයි.

එමෙන්ම උසස් පෙළ විභාගය වෙනුවෙන් දුම්රිය ගමන් වාර 16ක් ක්‍රියාත්මක කෙරෙන බව දුම්රිය දෙපාර්තමේන්තුව සඳහන් කළා.

මේ අතර ප්‍රවාහනය සම්බන්ධයෙන් යම් ගැටළුවක් ඇත්නම් බස් රථ පිළිබඳ 1955 සහ දුම්රිය පිළිබඳ 1971 යන ක්ෂණික දුරකථන අංකවලට අමතන ලෙසයි දැනුම් දෙන්නේ.

ඔබේ ප්‍රතිචාරය කුමක්ද ?
පට්ට !
5
අවුල් වගේ !
1
හරි හිනා !
2
හම්මෝ !
1
මාර දුකයි !
2
මලපනිනව !
4
කුජීතයි !
3

සතියේ පලවූ මෙවැනිම පුවත්

spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?