වසර ගණනාවක කැපකිරීම සහ දේශීය ක්‍රිකට් පිටියේ දී දැක් වූ ඉහළ දක්ෂතා හේතුවෙන් යොවුන් ක්‍රීඩක සර්ෆරාස් ඛාන් අද (15) ඉන්දියාව වෙනුවෙන් ජාත්‍යන්තර ටෙස්ට් වරම් හිමිකර ගත්තා.
ඒ, එංගලන්තය සමඟ අද රාජ්කොට් හිදී ආරම්භ වූ තුන්වන ටෙස්ට් තරගයේ දීයි.
ඉන්දීය සංචිතය නම්කර සිටි ලෝකේශ් රාහුල් ආබාධයකට ලක්වීමත් සමඟ ඉන්දීය සංචිතය සඳහා සර්ෆරාස් ඛාන් කැඳවනු ලැබුවා.
අද දිනයේ සර්ෆරාස් ඛාන්, අනිල් කුම්බ්ලේ අතින් ඉන්දීය ටෙස්ට් ටෙස්ට් කැප් තොප්පිය හිස පැළඳි අවස්ථාවට ඔහුගේ පියා වන නෞෂාඩ් ඛාන් ද එක්ව සිටි අතර, එම අවස්ථාවේ දී ඔහුගේ දෙනෙතින් කඳුළු ගලනා අයුරු කැමරා කාචයේ සටහන්ව තිබුණා.
26 හැවිරිදි සෆ්රාස් දේශීය ක්‍රිකට් පිටිය තුළ දැක් වූ ඉහළ දක්ෂතා මත ඔහු ඉන්දීය ජාතික කණ්ඩායම වෙත කැඳවීම ප්‍රමාදවීම සම්බන්ධයෙන් බොහෝ දෙනෙකුගේ අවදානය සහ බොහෝ පිරිසකගේ ප්‍රශ්න කිරීමට ද ලක් වූ කරුණක්.
දේශීය ක්‍රිකට් පිටියේ පෙරළිකාර චරිතයක් වූ සර්ෆරාස් ඉන්දීය ක්‍රිකට් තේරීම් කමිටුවට තමන්ගේ වටිනාකම පිළිබඳව ඒත්තු ගැන්වීමට කටයුතු කරන ආකාරය ද ඇතැම් අවස්ථාවල දී දැකගත හැකි වුණා.
